الخل البلدي المغربي بطريقتي





حبيباتي عواشركم مباركة الله يدخلها عليكم بالصحة والعافية وطول العمر يارب امين بما انه احنا على ابواب العيد غنخصص المواضيع  فهد القسم ان شاء لتجهيزات العيد وكيفاش نقضيو شغالنا فوقت قصير وغنعطيكم توابل مخلطة تتجي رائعة فالاطباق والمزيد المزيد من المعلومات المهمة ان شاء الله
اول حاجة غنعطيكم اليوم الخل البلدي الصحراوي صراحة تيجي رائع ولديد خصوصا فالقطبان والمجبنة والكديد والكرداس ويكفي غي ناخدوا منو ربع كاس من مور اي وجبة تنحسوا براسنا خفاف ومتتبقاش عندنا  التخمة  او عسر الهضم واحسن الف مرة من المونادا لي تنشربوا لي كلها مضرة بالصحة
نبداو على بركة الله هد القوام كلوا خصكم تاخدوه من عند عطار تيقة المهم انا غنكتب ليكم المقادير وانتوما ماعليكم غي تجمعوها متاخدوش كمية كتيرة غي شوية شوية من الحاجة تقريبا 20 درهم فكلشي هدشي كامل الا لزعفران شعرة  لي غتكتروا منو شوية
السنبل  لحية الشيخ شوية الورد الريحان البلدي الاحمر والاخضر الكوزة الصحراوية  حبة صغيرة من الكوزة العادية فليو ازير قرنفل ورق موسى شوية العنبر الابيض خدنجال قرفة عواد سرغينة بسيبيسة نويويرة السواك  طرف من الملحة  الحية الكمون الصوفي سكينجبير عرق الخرقوم عرق زعفران شعرة  نوارة الرمان قعقلة نصف حامضة 3 حبات التمر  التارة   الضرو   ليتريل
تناخدوا هدشي كامل نقيوه من العويدات والحجيرات  ونغسلوه مزيان بالماء حت تيولي عندنا الماء نقي ومفيهش الغبرة و نخليوهم ينشفوا غي شوية بلا منيبسوهم
تناخد قرعة تاع الزجاج تكون كبيرة تتهز تقريبا 3 ليتر ماء نغسلوه مزيان ونشفوها
ونعمل كل هد العشوب ونزيد طريفات الحامض ونصف كاس حامض معصور
نطيب 2 لتر تاع الماء مزيان ونزيدهم على هد التوابل نخلط الكل مزيان بمعلقة خشبية  غتشموا ريحة طالعة غزااالة وتتشهي ونسدوها مزيان ونحتافض بيها مدة 10ايام ونهار العيد نفتح العلبة نزول منها غي الحامض لي عملنا مقطع و ناخد منو الكمية لي بغينا  ونسدو القرعة مزيان وبطبيعة الحال الكاس لي غنستعملوا من هد الخل نصفيوه من العشوب ونردوا العشوب للقرعة كل ماتيبقى ويطول كل ماتيزيد تطلق المواد
تيجي لديد بززاف وبالصحة والعافية
نصيييييييييييييحة الحوامل ميقربوووش ليه ولي باغة تحمل تقرب ليه وتاخد منو مزياااان ليها والا كانت شي حاجة تداعى معاية فهد العواااشر

شاركي على غوغل بلاس