قصة لينا اليتيمة (الجزءالرابع)






الجزء الرابع

( ﻭﺟﺎ ﻭﻗﺖ ﻟﻐﺪﺍ ﺩﻕ ﺑﺎﺏ ﺩﺍﺭ ﻛﻨﺖ فالدﻭﺵ ﻗﻠﺖ ﻧﺨﻠﻴﻬﻢ ﻳﻬﻀﺮﻭ ﺷﻮﻳﺔ ﻭ ﻧخرﺝ ﺑﻘﻴﺖ ﺳﺎﻫﻴﺔ فالمرايا ﻛﻨﺸﻮﻑ ﻟﻴﻨﺎ ﻟﻲ ﺷﺤﺎﺍﻝ ﻣﺸﻔﺘﻬﺎﺵ ﺗﺒﺪﻟﺖ ﺑﺰﺍﻑ ﻣﻦ ﻣﻮﺭ ﻣﻮﺕ ﺑﺎﺑﺎ ﻣﺎﺕ ﻓﻴﺎ ﺍﻻ‌ﺣﺴﺎﺱ ﺑﺎﻟﺴﻌﺎﺩﺓ ﺣﺘﻰ ﺟﺎ ﻋﺼﺎﻡ ﺭﺟﻌﻠﻲ ﺿﺤﻜﺔ ﻭ ﻣﺎﺕ ﻭ ﺧﻼ‌ﻧﻲ ﻭ ﻟﻴﻨﺎ ﻣﺎﺗﺖ ﺣﺘﻰ ﻫﻲ ﻭ ﻟﻴﻮﻡ ﻋﻤﺎﺩ ﺭﺟﻊ ﺣﻴﺎﻧﻲ ﻣﻦ ﺟﺪﻳﺪ ﻣﻌﺮﻓﺘﺶ ﻭﺍﺵ ﺍﺣﺴﺎﺳﻲ ﺑﺎﻟﺤﺐ لعماد ﻏﻠﻂ ﻭﺍﺵ ﻫﺎﻛﺎ ﺍﻧﺎ ﺍﻧﺎﻧﻴﺔ ﻣﻔﻜﺮﺗﺶ فعصام ﻭ ﺩﻏﻴﺎ ﻧﺴﻴﺘﻮ ﻭ ﻗﺪﺭﺕ ﻧﺒﻐﻲ ﻣﻦ ﻏﻴﺮﻭ ﺑﻘﻴﺖ ﺳﺎﻫﻴﺔ ﺣﺘﻰ ﺷﻤﻴﺖ ﺭﻳﺤﺔ ﺑﺎﺭﻓﺎﻥ ﻛﻴﺪﻳﺮﻫﺎ ﻋﻤﺎﺩ ﺣﺴﻴﺘﻮ ﻗﺮﻳﺐ ﻟﻴﺎ ﺑﺰﺍﻑ ﺑﺤﺎﻝ ﻛﻨﺴﻤﻊ ﺻﻮﺗﻮ ﻟﻬﺎﺩ ﺩﺭﺟﺔ ﻛﻨﺒﻐﻴﻪ ﺗﻨﻬﺪﺕ ﻭ ﺧﺮﺟﺖ ﻧﺸﻮﻑ ﺧﻄﻴﺐ ﺳﻮﺳﻦ ﻭ ﻫﻨﺎ ﻏﺘﻜﻮﻥ ﺻﺪﻣﺔ ﻟﻲ ﻣﻌﺮﻓﺘﺶ ﻛﻴﻔﺎﺵ ﻧﺴﺘﻘﺒﻠﻬﺎ ﻋﻤﺎﺩ ﻫﻮ ﺧﻄﻴﺐ ﺳﻮﺳﻦ ﻋﻼ‌ﺵ ﻳﺎ ﺭﺑﻲ ﻛﻴﻮﻗﻊ ﻓﻴﺎ ﻫﺎﺩ ﺷﻲ ﺗﻔﻌﻔﻌﺖ ﻭ ﺑﻘﻴﺖ ﻛﻨﺘﻤﺘﻢ ﻭ ﻧﺘﺮﻋﺪ) ﺳﻮﺳﻦ:: ﻟﻴﻨﺎ ﺍﺟﻲ ﻣﺎﻟﻚ ﺗﺨﻠﻌﺘﻲ ﺍﻛﻴﺪ ﺷﺒﻪ ﺩﻳﺎﻝ ﻋﺼﺎﻡ ﻭ ﻋﻤﺎﺩ ﻫﻮ ﻟﻲ ﺧﻼ‌ﻙ ﺗﺨﻠﻌﻲ ﻟﻴﻨﺎ:: ﺍﺍﻩ ﻻ‌ ﺭﺍﻩ ﻋﻤﺎﺩ .ﻭ.. ﻋﻤﺎﺩ:: ﻟﻴﻨﺎ ﻣﺎﻟﻚ ﺗﺨﻠﻌﺘﻲ ﻣنين ﺷﻔﺘﻴﻨﻲ ﺑﺤﺎﻝ ﻋﻤﺮﻙ ﺷﻔﺘﻴﻨﻲ ﺳﻮﺳﻦ:: ﻋﻤﺎﺩ ﻛﺘﻌﺮﻑ ﻟﻴﻨﺎ ﻋﻤﺎﺩ:: ﺍﻩ ﺭﺍﻩ ﺧﺪﺍﻣﺔ ﻣﻌﺎﻳﺎ فالشركة ﻭ ﺣﻨﺎ ﺍﺻﺪﻗﺎﺀ ﺳﻮﺳﻦ:: ﺍﺍﻩ ﻣﺰﻳﺎﻥ ﻣلي ﻛﺘﻌﺮﻓﻴﻪ ﺳﻬﻠﺘﻮ ﻋﻠﻴﺎ ﺑﺰﺍﻑ ﻫﻬﻪ ﻣﻬﻢ ﺭﺍﻩ ﻳﻤﻜﻦ ﻟﻲ ﻣﻌﺮﻓﺎﻫﺶ ﻫﻮ ﻋﻤﺎﺩ ﻭﻟﺪ ﻋﻤﻲ ﻋﻤﺎﺩ:: ﺍﺟﻲ ﺑﻌﺪﺍ ﻣﻨﻴﻦ ﻛﺘﻌﺮﻓﻲ ﻟﻴﻨﺎ ﺳﻮﺳﻦ:: ﺭﺍﻩ ﻟﻴﻨﺎ ﻫﻲ ﻣﺮﺍﺕ ﻋﺼﺎﻡ ﺍﻟﻠﻪ ﻳﺮﺣﻤﻮ ﻧﺘﺎ ﻋﻤﺮك ﺷﻔﺘيها ﻭﻻ‌ ﺟﺎﺕ ﻓﺮﺻﺔ ﻧﻌﺮﻓﻚ ﻋﻠﻴﻬﺎ ﻋﻤﺎﺩ:: ﺳﻤﺤﻴﻠﻲ ﻟﻴﻨﺎ ﻣﻜﻨﺘﺶ ﻋﺎﺭﻑ ﺍﻟﻠﻪ ﻳﺮﺣﻤﻮ ﻭ ﻳﻌﻄﻴﻚ ﺻﺒﺮ ﻭﺍﺧﺎ ﻣﻌﻄﻠﺔ ﺭﺍﻩ ﺿﺮﻭﻑ ﻣﺴﻤﺤﺎﺗﺶ فديك ﻟﻮﻗﺖ ﻧﺤﻀﺮ ﻟﻌﺮﺳﻜﻢ ﻭﻛﻨﺖ ﻧﺎﻭﻱ ﻧﺠﻲ ﻣﻮﺭ ﻟﻌﺮﺱ ﻭﻻ‌ﻛﻦ ﻗﺪﺭ ﺍﻟﻠﻪ ﻭ ﻣﺎ ﺷﺎﺀ ﻓﻌﻞ
ﻋﺼﺎﻡ ﺻﺮﺍﺣﺔ ﺍﺗﺮ ﻓﻴﻨﺎ ﻟﻤﻮﺕ ﺩﻳﺎﻟﻮ ﻛﺎﻣﻠﻴﻦ ﻭ ﻛﺎﻥ ﻓﺎﺟﻌﺔ ﻟﻴﻨﺎ.. (ﺧﻠﻴﺘﻮ ﻣﺰﺍﻝ ﻛﻴﻬﻀﺮ ﻭ ﺟﺮﻳﺖ ﻟﻠﺪﻭﺵ ﻭ ﺑﻘﻴﺖ ﻛﻨﺒﻜﻲ ﻋﻠﻰ ﺯﻫﺮﻱ ﻟﻲ ﻣﺒﻐﺎﺵ ﻳﺘﻘﺎﺩ ﻋﻼ‌ﺵ ﺍﻧﺎ ﻋﻤﺮﻱ ﻣﻨﻔﺮﺡ ﻋﻼ‌ﺵ ﻛﻞ ﻣﺎ ﻧﻘﻮﻝ ﺻﺎﻓﻲ ﻏﺎﺭﺗﺎﺡ ﻭﻧﺰﻳﺪ ﺧﻄﻮﺓ ﻟﻠﻘﺪﺍﻡ ﻧﺮﺟﻊ ﻋﺸﺮﺓ ﻟﻠﻮﺭﺍﺀ ﻛﺮﻫﺖ ﻣﻠﻴﺖ ﺻﺎﻓﻲ ﻏﻨﻬﺮﺏ ﻛﻴﻒ ﺩﻳﻤﺎ ﻭ ﻧﺨﻠﻲ ﻛﻠﺸﻲ ﻣﻮﺭﺍﻳﺎ ﻣﻨﻘﺪﺭﺵ ﻧﺘﺤﻤﻞ ﻧﺸﻮﻑ ﻋﻤﺎﺩ ﻣﻊ ﻭﺣﺪﺓ ﺍﺧﺮﻯ ﻭ ﺳﻮﺳﻦ ﺻﺎﺣﺒﺘﻲ ﻭ ﺍﺧﺖ ﻋﺼﺎﻡ ﻳﻌﻨﻲ ﻋﻤﺎﺩ ﻣﻦ ﺣﻘﻬﺎ ﻛﺘﺮ ﻣﻨﻲ ﺍﻧﺎ ﻣﺠﺮﺩ ﺩﺧﻴﻠﺔ ﻣﻌﻨﺪﻳﺶ ﺣﻖ ﻓﻴﻪ ﻛﻴﻒ ﺩﻳﻤﺎ ﻫﺮﺑﺖ ﻋﺘﺎﺫﺭﺕ ﻟﺴﻮﺳﻦ ﻭﻗﻠﺖ ﻟﻴﻬﺎ ﻏﺎﻧﺴﺎﻓﺮ ﻋﻨﺪ ﺷﻲ ﺻﺪﻳﻘﺔ ﻭ ﺭﺟﻌﺖ لباريس ﻗﺪﻣﺖ ﺍﺳﺘﻘﺎﻟﺘﻲ ﻟﻲ ﻟﻘﺎﺕ ﺍﺳﺘﻐﺮﺍﺏ ﻣﻦ اﻟﺠﻤﻴﻊ ﺣﻴﺖ ﻣﻌﺮﻓﻮﺵ ﺳﺒﺐ ﻏﻴﺮ ﺍﻧﻨﻲ ﺿﻌﻴﻔﺔ ﻛﻴﻒ ﺩﻳﻤﺎ ﻣﻨﻘﺪﺵ ﻧﻮﺍﺟﻪ ﻣﺸﺎﻛﻴﻠﻲ ﻭ ﻟﻌﻘﺒﺎﺕ لي فطريقي ﻭ ﺩﻳﻤﺎ ﻛﻨﻬﺮﺏ ﺑﻼ‌ ﻣﻨﻔﻜﺮ ﻫﺰﻳﺖ ﺣﻮﺍﻳﺠﻲ ﻭ ﺧﻮﻳﺖ ﻓﺮﻧﺴﺎ ﻛﻠﻬﺎ ﻭ ﻣﺸﻴﺖ لاسبانيا ﻟﻲ ﻏﻨﺒﺪﺍ ﻓﻴﻬﺎ ﻣﻦ  الصفر ﻧﻔﺴﻴﺔ ﻣﺤﻄﻤﺔ ﻭ ﺍﻧﺴﺎﻧﺔ ﻣﺮﻳﻀﺔ ﻭﺣﻴﺪﺓ ﺗﺎﺋﻬﺔ ﻏﺮﻳﺒﺔ في بلد  ﻏﺮﻳﺐ ﺣﻨﻴﻨﻲلبلادي  ﻛﻞ ﻧﻬﺎﺭ ﻳﻜﺒﺮ ﻛﺘﺮ ﻭﻻ‌ﻛﻦ ﻣﻨﻘﺪﺵ ﺭﺟﻊ ﻟﻴﻪ ﺣﻴﻴﺖ ﺗﻤﺎ ﻏﻨﻤﺮﺽ ﻛﺘﺮ ﺑﻘﻴﺖ ﻋﺎﻳﺸﺔ فوسط ﻧﺎﺱ ﻏﺮﻳﺒﺔ ﻋﻠﻴﺎ ﺗﻘﺎﻟﻴﺪﻫﻢ ﻋﺎﺩﺍﺗﻬﻢ ﻛﻠﻬﺎ ﺑﻌﻴﺪﺓ ﻋﻠﻴﺎ ﺩﺍﺯﺕ ﺷﻬﻮﺭ ﻭﺍﻧﺎ ﻏﻲ ﺩﺍﺭ ﻭ ﻧﻌﺎﺱ ﻭ ﻣﺎﻛﻠﺔ ﻭﻻ‌ﻛﻦ ﺣﺘﻰ لامتى ﻏﻨﺒﻘﻰ ﻫﺎﻛﺎ ﺧﺎﺻﻨﻲ ﻧﺪﻳﺮ ﺷﻲ ﺣﺎﺟﺔ ﺻﺎﻓﻲ ﻏﺎﺩﻱ ﻧﺨﺪﻡ ﻣﻨﺒﻘﺎﺵ ﻏﻲ ﻛﺎﻟﺴﺔ ﻓﻌﻼ‌ ﺑﻘﻴﺖ ﻛﻨﻤﺸﻲللمحلات  ﺩﻳﺎﻝ ﺍﻟﻜﺴﻮﺓ ﻭ ﻛﻨﻮﺭﻳﻬﻢ ﺗﺼﺎﻣﻴﻤﻲ ﻭ ﻛﺎﻥ ﺍﻗﺒﺎﻝ ﻋﻠﻴﻬﺎ ﺑﺪﻳﺖ ﻛﻨﺨﻴﻂ ﻭ ﻧﻔﺼﻞ ﻭ ﻧﺴﺎ ﻟﻲ ﺻﺮﺍﻟﻲ ﺷﻮﻳﺔ بشوية ﻏﺎﺩﻱ ﻧﺘﻼ‌ﻗﺎ ﻣﻊ ﻭﺍﺣﺪ ﺍﻟﻤﺴﺘﺜﻤﺮ ﺍﺳﺒﺎﻧﻲ ﻋﺮﺽ ﻋﻠﻴﺎ ﻧﺪﻳﺮﻭ ﺷﺮﻛﺔ ﺍﻧﺎ بتصاميمي ﻭ ﻫﻮ بفلوسو ﻣﻀﻴﻨﺎ ﺍﻟﻌﻘﺪ ﺣﺴﻴﺖ ﺑﻠﻲ ﺍﻟﺤﻴﺎﺓ ﻛﺘﺒﺘﺴﻢ ﻟﻴﺎ ﺷﺮﻛﺔ ﺑﺪﺍﺕ ﻛﺒﻴﺮﺓ ﻳﻌﻨﻲ ﺑﺪﻳﺖ ﻣﻦ ﺍﻟﺪﺭﺟﺔ ﺍﻟﻌﺎﺷﺮﺓ ﺍﻟﺤﻤﺪ ﺍﻟﻠﻪ ﻫﺎﺩﺍ ﻣﻦ ﻓﻀﻞ ﺭﺑﻲ ﺷﺮﻛﺔ ﺭﺟﻌﺎﺕ ﻛﺘﻨﺎﻓﺲ ﺍﻛﺒﺮ ﺷﺮﻛﺎﺕ ﺍﻟﻌﺎﻟﻤﻴﺔ ﻓﺘﺤﻨﺎ ﻣﺤﻼ‌ﺕ فجميع ﺍﻧﺤﺎﺀ ﺍﻟﻌﺎﻟﻢ باسم ﻣﺎﺭﻛﺘﻨﺎ ﻟﻲ ﺗﺼﺎﻣﻴﻤﻬﺎ ﺭﺟﻌﺖ ﻛﻼ‌ﻡ ﻧﺎﺱ ﺣﺘﻰ ﺟﺎ ﻭﻗﺖ ﻟﻲ ﺧﺎﺻﻨﻲ ﻧﺮﺟﻊ لبلادي ﺑﻌﺪ ﻣﺎ ﺗﻔﺘﺢ ﻓﻴﻪ ﻣﺤﻞ ﻛﺒﻴﺮ ﺑﺎﺳﻢ ﺷﺮﻛﺘﻨﺎ ﻭ ﺑﻤﺎ ﺍﻧﻨﻲ ﺍﻟﻤﺼﻤﻤﺔ ﻭ ﻣﻮﻻ‌ﺕ ﺷﺮﻛﺔ ﻭ ﻛﺬﻟﻚ ﻣﻐﺮﺑﻴﺔ فحضوري ﺿﺮﻭﺭﻱ ﺍﻧﺎ ﻣﻘﺮﺭﺓ ﺑﺎﺵ منرجعش ﻟﻤﻐﺮﺏ ﻭﺍﺧﺎ ﻧﻤﻮﺕ ﻓﻜﺮﺕ ﻭﻟﻘﻴﺖ ﺣﻞ ﺍﻧﻨﻲ ﻧﺴﻴﻔﻂ ﺷﻲ ﺣﺪ فبلاصتي ﻭﻟﻘﻴﺖ ﻭﺍﺣﺪ ﻣﻐﺮﺑﻲ ﻛﻴﺨﺪﻡ ﻣﺼﻤﻢ فشركة ﻗﻠﺖ ﻳﻤﺸﻲ ﻫﻮ ﻳﺤﻀﺮ فبلاصتي ﻭﺍﻧﺎ فطريقي للشركة ﺑﺎﺵ ﻧﻌﻠﻢ الشريك ﺩﻳﺎﻟﻲ  ﺍﻧﻨﻲ ﻣﻨﻘﺪﺵ ﻧﻤﺸﻲ ﻟﻠﻤﻐﺮﺏ ﻭﻻ‌ﻛﻦ ﻭﺍﻧﺎ فالطاكسي ﻣﺘﻮﺟﻬﺔ ﻟﻠﺸﺮﻛﺔ ﻛﺎﻥ ﻣﻮﻝ ﻃﺎﻛﺴﻲ ﻣﻦ ﺳﻮﺭﻳﺎ ﻭ ﺟﺒﺪﻧﺎ ﻫﻀﺮﺓ ﺣﻴﺖ ﺳﻤﻌﻨﻲ ﻧﻬﻀﺮفالتليفون  بالعربية ﺳﻮﻟﻨﻲ ﻣﻦ ﺍﻱ ﺑﻠﺪ ﻣﻦ ﻋﺮﻓﻨﻲ ﻣﻐﺮﺑﻴﺔ ﻓﺮﺡ ﺑﺰﺍﻑ ﻭ ﺑﻘﺎ ﻛﻴﺸﻜﺮ فالمغرب ﻭﻧﺎﺳﻮ ﻭ ﻛﺮﻣﻬﻢ ﺗﺤﺮﻙ ﻓﻴﺎ ﺣﺐ ﺑﻼ‌ﺩﻱ ﻭ ﺍﻻ‌ﺷﺘﻴﺎﻕ ﻟﻠﻄﺒﻴﻌﺔ ﻭ ﻣﻨﺎﺿﺮ ﺩﻳﺎﻟﻮ ﻟﻲ ﻣﻜﻴﻨﺶ ﺑﺤﺎﻟﻬﺎ  فحتى ﻣﻜﺎﻥ ﺭﻏﻢ ﺍﻧﻨﻲ ﺷﻔﺖ ﺑﻠﺪﺍﻥ ﻛﺘﻴﺮﺓ ﻟﻘﻴﺖ ﺑﻠﺪﻱ ﺍﺟﻤﻞ ﺑﻠﺪ ﻭﺣﻨﺎ ﻛﻨﻬﻀﺮﻭ ﺩﺍﺯﺕ ﺍﻏﻨﻴﺔ فالراديو ﻛﻠﻤﺎﺗﻬﺎ ﺍﺗﺮﺕ ﻓﻴﺎ ﻭﺣﻨﻴﻨﻲ لوطني ﻭ ﺣﺒﻲ ﻟﻴﻪ ﺣﻴﺎ فقلبي ﻭ ﺩﻣﻌﺖ ﻋﻴﻨﻲ ﻭﺍﻧﺎ ﻛﻨﺴﻤﻊ ﻛﻠﻤﺎﺗﻬﺎ


**ﺳﻮﻑ ﻧﺒﻘﻰ ﻫﻨﺎ ﻛﻲ ﻳﺰﻭﻝ ﺍﻻ‌ﻟﻢ ***ﺳﻮﻑ ﻧﺤﻴﺎ ﻫﻨﺎ ﺳﻮﻑ ﻳﺤﻠﻮ ﺍﻟﻨﻐﻢ *** ﻣﻮﻃﻨﻲ ﻣﻮﻃﻨﻲ ﻣﻮﻃﻨﻲ ﻳﺎ ﺍﻧﺎ *** ﺭﻏﻢ ﻛﻴﺪ ﺍﻟﻌﺪﺍ ﺭﻏﻢ ﻛﻞ ﻧﻘﻢ *** ﺳﻮﻑ ﻧﺴﻌﻰ ﺍﻟﻰ ﺍﻥ ﺗﻌﻢ ﺍﻟﻨﻌﻢ *** ﺳﻮﻑ ﻧﺮﻧﻮ ﺍﻟﻰ ﺭﻓﻊ ﻛﻞ ﺍﻟﻬﻤ *** ﻭﻧﻜﻮﻥ ﺣﻘﺎ ﺧﻴﺮ ﺍﻣﺔ ﺑﻴﻦ ﺍﻻ‌ﻣﻢ ** ﻓﺎ ﻟﻨﻘﻢ ﻛﻠﻨﺎ ﺑﺎﻟﺪﻭﺍﺀ ﻭ ﺍﻟﻘﻠﻢ... ﺣﺴﻴﺖ ﺑﺤﺎﻝ ﻛﻴﻘﻮﻟﻮ ﻟﻴﺎ ﺍﻧﺎ ﺭﺟﻌﻲ ﻟﺒﻼ‌ﺩﻙ ﻭ ﺭﺟﻌﻲ ﺣﻖ ﻋﺼﺎﻡ ﻟﻲ ﻣﺎﺕ  فنهار ﻋﺮﺳﻮ ﻣﻘﺘﻮﻝ ﻭ ﺣﻘﻮ ﻣﺎﺕ ﻣﻌﺎﻩ ﻗﻠﺖ لمول الطاكسي  ﻳﺮﺟﻌﻨﻲ ﻟﻠﺪﺍﺭ ﻭ ﺑﺪﻳﺖ ﻧﻮﺟﺪ ﻓﻠﻴﺰﺗﻲ ﻭ ﻗﻠﺒﻲ ﻛﻴﺮﻓﺮﻑ ﻭ ﻃﺎﻳﺮ ﺑﺎﻟﻔﺮﺣﺔ ﻭﺍﺍﺧﻴﺮﺍﺍ ﻏﺎﺭﺟﻊ ﻳﺎﺍﺍﺍﺍﺍﻩ ﺩﺍﺯﺕ 8ﺳﻨﻴﻦ ﻣﺸﻔﺘﺶ ﺑﻼ‌ﺩﻱ ﺗﻮﺣﺸﺖ ﺗﺮﺍﺑﻮ ﺑﺤﻮﺭﻭ ﻧﺎﺳﻮ ﺍﻟﻄﻴﺒﻴﻦ ﺍﻟﺒﺴﻄﺎﺀ ﺍﺍﺍﺍﻩ ﺑﻼ‌ﺩﻱ ﻏﻨﺮﺟﻊ ﻣﻦ ﺟﺪﻳﺪ ﻭﺍﺧﺎ ﻛﺎﻳﻦ ﻧﺎﺱ ﻟﻲ ﺿﻠﻤﺘﻨﻲ ﻭ ﺣﻜﺮﺗﻨﻲ ﻭﻻ‌ﻛﻦ ﺍﻟﻤﻐﺮﺏ ﺑﻼ‌ﺩﻱ ﻭﻃﻨﻲ ﺣﺒﻲ ﻟﺘﺮﺍﺑﻮ ﻭ ﺻﺤﺮﺍﺀ ﺩﻳﺎﻟﻮ ﻭ ﺳﻤﺎﻩ ﻭ ﺍﺭﺿﻮ ﺗﻔﻮﻕ ﻛﻞ ﺣﻘﺪﻱ ﻋﻠﻰ ﺑﻌﺾ ﻧﺎﺱ ﻟﻲ ﻓﻴﻪ ﻭ ﺭﺟﻌﺖ ﻟﺒﻼ‌ﺩﻱ ﻭ ﺭﺟﻮﻋﻲ ﻛﺎﻥ ﻭ ﺳﻴﺒﻘﻰ ﺍﺣﺴﻦ ﻗﺮﺍﺭ ﺧﺪﻳﺘﻮ فحياتي
ﻭﺻﻠﺖ ﻟﺮﺑﺎﻁ ﻓﻴﻦ ﻏﺎﻧﺤﻠﻮ ﺍﻟﻤﺤﻞ ﺭﺗﺎﺣﻴﺖ فالبيت ﺩﻳﺎﻝ ﺍﻭﻃﻴﻞ ﻛﺎﻥ ﺑﺎﻗﻲ ﻳﻮﻣﻴﻦ ﻟﻼ‌ﻓﺘﺘﺎﺡ ﻗﻠﺖ ﻧﺴﺘﻐﻞ ﻫﺎﺩ ﻳﻮﻣﻴﻦ ﻧﺘﺴﺎﺭﺍ ﻓﻴﻬﻢ ﺑﻘﻴﺖ ﻛﻨﺪﻭﺭ فالمدينة ﺷﻔﺖ ﻧﺎﺱ ﺑﺴﻄﺎﺀ فعينيهم ﺍﻣﻞ ﻛﺒﻴﺮ ﻭ ﺣﺐ ﻧﺎﺱ ﻛﺘﻘﺎﺗﻞ ﻋﻠﻰ ﻃﺮﻑ ﺍﻟﺨﺒﺰ ﻭﻳﺠﻴﻮ ﻧﺎﺱ ﻳﺎﺧﺪﻭ ﻟﻴﻬﻢ ﺍﻟﺨﺒﺰﺓ ﺩﻳﺎﻟﻬﻢ ﻭ ﻳﻌﻄﻴﻮﻫﻢ ﺷﺪﻕ ﺑﺎﺵ ﻳﺴﻜﺘﻮ ﻧﺎﺱ ﺿﻌﻴﻔﺔ ﺣﻴﺖ ﺍﻟﻜﺒﺎﺭ ﺣﺎﻃﻴﻦ ﻳﺪﻫﻢ ﻋﻠﻴﻬﻢ ﺣﺪ ﻣﻴﻘﺪ ﻳﻬﻀﺮ ﺗﻔﻜﺮﺕ  ﻓﺮﻧﺴﺎ ﻭ ﺍﺳﺒﺎﻧﻴا ﺣﻘﻮﻕ ﺍﻟﻤﻮﺍﻃﻦ ﻓﻮﻕ ﻛﻞ ﺷﻲ ﺗﺄﻟﻤﺖ ﻋﻠﻰ ﺣﺎﻝ ﻭﻻ‌ﺩ ﺑﻼ‌ﺩﻱ ﻟﻲ ﻛﻴﻔﺮﺷﻮفالارض ﻳﺒﻴﻌﻮ ﻭ ﻳﺴﺘﺮﺯﻗﻮ ﺍﻟﻠﻪ ﻳﺠﻴﻮ ﻳﻬﺰﻭﻫﻢ ﻭ ﻳﺘﻜﺮﻓﺴﻮ ﻋﻠﻴﻬﻢ ﺑﺎﻟﺴﺐ ﻭ ﺍﻟﻀﺮﺏ ﻭﻳﺎﺧﺪﻭ ﻟﻴﻬﻢ ﺳﻠﻌﺘﻬﻢ ﻟﻲ ﺭﺍﺱ ﻣﺎﻟﻬﺎ ﺑﺎﻛﺮﻳﺪﻱ ﻟﻲ ﻫﺎﺯﻳﻨﻮ ﺟﺒﻞ ﻣﺎ ﻳﻬﺰﻭ ﻭ ﻳﺰﻳﺪﻭﻟﻬﻢ بالحكرة ﻭ ﻳﺨﻠﻴﻮ ﻛﺮﻭﺵ ﻟﺤﺮﺍﻡ ﻟﻲ ﻭﺍﻛﻠﻴﻦ ﺣﻘﻨﺎ ﺗﻔﻜﺮﺕ ﺑﻨﺎﺕ ﺑﻼ‌ﺩﻱ ﻟﻲ ﻛﺘﺰﻭﺝ ﺑﺎﺵ ﺗﺴﺘﺮ ﺭﺍﺳﻬﺎ ﺣﻴﺖ ﺍﻟﻰ ﺧﺮﺟﺎﺕ ﺗﺨﺪﻡ ﻏﺎﺩﻱ ﺗﻠﻘﺎ ﺗﺤﺮﺵ ﺍﻭ ﻋﻼ‌ﻗﺔ ﺣﺐ ﻓﺎﺷﻠﺔ  ﺩﺯﺕ ﺣﺪﺍ ﺍﻟﺒﺮﻟﻤﺎﻥ ﺷﻔﺖ ﺷﺒﺎﺏ ﺿﺎﺋﻊ ﻛﻴﺎﻛﻞ ﻟﻌﺼﺎ ﻟﻤﺠﺮﺩ ﺍﻧﻮ ﺑﻐﺎ ﻳﺨﺪﻡ ﺫﻧﺒﻮ ﻫﻮ ﻗﺮﺍ ﻭ ﺧﺪﺍ ﺷﻮﺍﻫﺪ ﻋﻠﻴﺎ ﺷﻔﺖ ﺍﻃﻔﺎﻝ ﻛﺘﺒﻴﻊ ﺍﻟﻮﺭﺩ ﺑﺮﺍﺀﺗﻬﻢ ﻛﺘﺪﻓﻦ ﻛﻞ ﻧﻬﺎﺭ ﻣﺴﺘﻘﺒﻠﻬﻢ ﻣﻀﻠﻢ ﻣﻦ ﺻﻐﺮﻫﻢ ﺑﺎﻳﻦ ﻣﺼﻴﺮﻫﻢ ﻓﻴﻦ ﻏﺎﺩﻱ ﺗﻔﻜﺮﺕ ﺑﻠﻲ ﺣﻘﻨﺎ فبلادنا ﺭﺟﻊ ﺣﻠﻢ ﻭ ﺍﻣﺎﻧﻲ ﻭﺑﻘﻴﻨﺎ ﻛﻨﺠﺮﻳﻮ ﻭﺭﺍ ﺣﻘﻮﻗﻨﺎ ﻭﻧﺴﻴﻨﺎ ﺍﺣﻼ‌ﻣﻨﺎ ﻟﺪﺭﺟﺔ ﻣﺒﻘﻴﻨﺎﺵ ﻧﺤﻠﻤﻮ ﻳﻼ‌ﻩ ﻣﻘﺎﺗﻠﻴﻦ ﻣﻊ ﺍﻟﺨﺪﻣﺔ ﻭ ﺩﺍﺭ ﻭ ﺯﻭﺍﺝ ﻟﻲ ﻫﻲ ﺣﻖ ﻣﻦ ﺣﻘﻮﻕ ﻛﻞ ﻣﻮﺍﻃﻦ ﺗﻔﻜﺮﺕ ﺑﺰﺍﺍﻑ ﻭ ﺑﻜﻴﺖ ﻭﺗﺤﺴﺮﺕ ﻋﻠﻰ ﺑﻼ‌ﺩﻱ ﺍﺟﻤﻞ ﺍﻟﺒﻠﺪﺍﻥ ﻟﻲ ﻛﻀﻴﻊ بسباب ﻧﺎﺱ ﻣﻌﻨﺪﻫﻮﻣﺶ ﺿﻤﻴﺮ ﺑﻐﻴﺖ ﻧﺒﺪﻝ ﻛﻠﺸﻲ ﻭ ﻧﺮﺟﻊ ﺑﻼ‌ﺩﻱ ﺑﻼ‌ ﺭﺷﻮﺓ ﺑﻼ‌ ﺣﻜﺮﺓ ﺑﻐﻴﺖ ﻧﻤﺸﻲ ﻟﻼ‌ﺩﺍﺭﺓ ﻧﺨﺮﺝ ﻭﺭﻗﺔ ﻟﻘﺎ ﺍﺳﺘﻘﺒﺎﻝ ﺯﻭﻳﻦ ﻟﻘﺎ ﺍﻟﻤﻮﺿﻒ ﺣﺎﺿﺮ ﻣﻴﻘﻮﻟﻮﺵ ﻟﻴﺎ ﺳﻴﺮﻱ ﺣﺘﻰ ﺳﻴﻤﺎﻧﺔ ﺟﺎﻳﺔ ﺍﻭ ﻋﻄﻲ ﺭﺷﻮﺓ ﻭﻛﻠﺸﻲ ﻳﺘﺼﺎﻳﺐ فدقيقة ﺑﺪﻭﻥ ﻋﺮﺍﻗﻴﻞ ﺑﻐﻴﺖ ﻟﻘﺎ ﻓﺴﺒﻴﻄﺎﺭﺍﺕ ﺍﻃﺒﺔ ﺣﺎﺿﺮﻳﻦ ﺿﻤﻴﺮﻫﻢ ﺣﻲ ﻭ ﻣﻤﺮﺿﺎﺕ ﻳﺪﻳﺮﻭ ﻭﺿﻴﻔﺘﻬﻢ ﺑﻼ‌ ﺭﺷﻮﺓ ﺑﻐﻴﺖ ﻭ ﺑﻐﻴﺖ ﻭ ﺣﻠﻤﺖ ﻛﻠﺸﻲ ﻳﺮﺟﻊ ﻛﻴﻒ ﺑﻐﻴﺖ ﻭ ﺗﺒﻘﺎ ﺍﺣﻼ‌ﻡ ﻭ ﻳﺪ ﻭﺣﺪﺓ ﻣﺘﺼﻔﻘﺶ ﻭﻻ‌ﻛﻦ ﻛﺘﺼﺮﻓﻖ ﻭﺍﻧﺎ ﺣﻖ ﻋﺼﺎﻡ ﻣﻨﺨﻠﻴﻬﺶ ﺩﻭﺯﺕ ﻧﻬﺎﺭ ﺍﻻ‌ﻓﺘﺘﺎﺡ ﺩﺍﺯ ﻛﻠﺸﻲ ﻣﺰﻳﺎﻥ ﺗﻼ‌ﻗﻴﺖ ﻣﻊ ﻣﺴﺘﺜﻤﺮﻳﻦ ﻣﻐﺎﺭﺑﺔ ﻗﺘﺎﺭﺣﻮ ﻋﻠﻴﺎ ﻧﺪﻳﺮﻭ ﻓﺮﻉ للشركة فالمغرب ﺍﻟﻔﻜﺮﺓ ﻋﺠﺒﺎﺗﻨﻲ ﺣﻴﺖ ﻏﺎﺩﻱ ﻧﺤﻘﻖ ﺣﻠﻤﻲ ﺍﻧﻲ ﻧﺤﻞ ﺷﺮﻛﺔ فالمغرب ﻭ ﻧﻌﻮﺽ ﺷﺮﻛﺔ ﺑﺎﺑﺎ ﻟﻲ ﺑﺎﻋﻮﻫﺎﻟﻲ ﻋﻤﺎﻣﻲ ﻗﻠﺖ ﻟﻴﻬﻢ ﺧﻠﻴﻮﻟﻲ ﻣﻬﻠﺔ ﻧﻔﻜﺮ ﺣﻴﺖ ﺻﻌﻴﺐ ﻋﻠﻴﺎ ﺭﺟﻊ ﻧﺴﺘﻘﺮ فالمغرب ..


ﻣﺸﻴﺖ لمدينتي ﻧﺸﻮﻑ ﻣﻲ ﺣﺎﺩﺓ ﻟﻲ ﺗﻮﺣﺸﺘﻬﺎ ﻭ ﻣﻨﻬﺎ ﻧﻘﻠﺐ ﻋﻠﻰ ﺣﻖ ﻋﺼﺎﻡ ﻣﻨﺮﺟﻌﺶ لاسبانيا ﺣﺘﻰ ﻧﺪﺧﻞ ﻟﺤﺒﺲ ﻟﻲ ﻛﺎﻥ ﺳﺒﺎﺏ ﻣﻮﺗﻮ ﻭﺻﻠﺖ لمدينتي  ﺫﻛﺮﻳﺎﺕ ﻛﻠﻬﺎ ﺣﻴﺎﺕ ﻣﻦ ﺟﺪﻳﺪ ﺗﻮﺣﺸﺖ ﺍﻟﺒﺤﺮ ﺩﻳﺎﻟﻬﺎ ﻣﺸﻴﺖ ﻟﻮﺍﺣﺪ ﻛﺎﻓﻲ ﻋﻠﻰ ﺍﻟﺒﺤﺮ ﻛﻠﺴﺖ ﻓﻴﻬﺎ ﺣﺘﻰ ﺷﻔﺖ ﺳﻮﺳﻦ ﺩﺍﺧﻼ‌ ﻟﻴﻬﺎ ﺑﻐﻴﺖ ﻧﺘﺨﺒﺎ ﻣﻨﻬﺎ ﻛﺎﻧﺖ ﻫﺎﺯﺓ ﺑﻨﺖ فيدها ﻭ ﻭﻟﺪ ﻛﻴﺘﻤﺸﻰ ﻋﺮﻓﺖ ﻭﻻ‌ﺩﻫﺎ ﻣﻊ ﻋﻤﺎﺩ ﻣﺒﻐﻴﺘﺶ ﻧﺸﻮﻓﻬﻢ ﺑﺰﻭﺝ ﻗﻠﺒﻲ ﻏﺎﺩﻱ ﻳﺘﻘﻄﻊ ﺑﻐﻴﺖ ﻧﻬﺮﺏ ﻛﻴﻒ ﺩﻳﻤﺎ ﻣﻨﻘﺪﺵ ﻧﻮﺍﺟﻬﻢ ﻣﺸﻴﺖ ﻟﻠﺤﻤﺎﻡ ﺣﺘﻰ ﺗﻜﻠﺲ ﻫﻲ ﻭ ﻧﺨﺮﺝ ﺑﻼ‌ ﻣﺘﺘﺸﻮﻓﻨﻲ ﻭﻻ‌ﻛﻦ ﺭﺑﻲ ﺑﻐﺎﻧﺎ ﻧﺘﻼ‌ﻗﺎﻭ ﻣﻦ ﺯﻫﺮﻱ ﺟﺎﺕ ﺣﺘﻰ ﻫﻲ  للحمام ﺗﻐﺴﻞ لبنتها ﻳﺪﻳﻬﺎ ﻟﻘﺎﺗﻨﻲ ﻭﺍﻗﻔﺔ ﻛﻨﺸﻮﻑ فالمرايا ﺳﻮﺳﻦ:: ﺭﺍﻙ ﺯﻭﻳﻨﺔ ﺑﻼ‌ ﻣﺘﺸﻮﻓﻲ فالمرايا  ﻟﻴﻨﺎﺍﺍﺍﺍﺍ ﺗﻮﺣﺸﺸﺸﺘﻚ ﻭﺍﺧﺎ ﻣﺨﺎﺻﻤﺔ ﻣﻌﺎﻙ ﻟﻴﻨﺎ:: ﺳﻮﺳﻦ ﺳﻤﺤﻴﻠﻲ ﻛﻨﺖ ﺟﺎﻳﺔ ﻧﺴﻠﻢ ﻋﻠﻴﻚ ﻗﻠﺖ ﻣﻨﺼﺪﻋﻜﺶ ﺭﺍﻙ ﻣﻊ ﻋﻤﺎﺩ ﺳﻮﺳﻦ:: ﻫﻬﻬﻪ ﻋﺎﺩ ﺯﺍﻳﺪﺍﻫﺎ ﻣﺨﺒﻴﺔ ﺷﻔﺘﻲ ﻓﻀﺤﺘﻲ ﺭﺍﺳﻚ ﺭﺍﻩ ﺍﻧﺎ ﻛﻨﺤﻠﻒ ﻓﻴﻚ ﻋﻠﻰ ﺍﻟﻬﺮﺑﺔ ﻟﻲ ﺩﺭﺗﻲ ﻣﺘﺴﻮﻟﻲ ﻣﺘﺒﺎﻧﻲ ﻫﺎﺩ ﺍﻟﻤﺪﺓ ﻛﺎﻣﻠﺔ ﺑﻐﻴﺘﻚ ﺗﺤﻀﺮﻱ لعرسي ﻭ ﺗﻔﺮﺣﻲ ﻣﻌﺎﻳﺎ ﺑﻼ‌صتك  ﺧﻠﻴﺘﻴﻬﺎ ﺧﺎﻭﻳﺔ ﻟﻴﻨﺎ:: ﺳﻤﺤﻴﻠﻲ ﻣﻌﺮﻓﺘﺶ ﺍﺵ ﻧﻘﻮﻟﻚ ﻋﺎﺭﻓﺔ ﺭﺍﺳﻲ ﻏﺎﻟﻄﺔ ﻭﻻ‌ﻛﻦ ﺭﺑﻲ ﻟﻲ ﻋﺎﻟﻢ ﺑﻴﺎ ﻣﻬﻢ ﺧﻠﻴﻨﺎ ﻫﺎﺗﻲ ﻧﺒﻮﺱ ﻫﺎﺩ ﻟﻐﺰﺍﻟﺔ ﻛﻲ ﺳﻤﻴﺘﻴﻬﺎ ﺳﻮﺳﻦ:: ﺻﺒﺮﻳﻦ ﻭ ﻋﻨﺪﻱ ﻭﻟﺪ ﻛﺒﺮ ﻣﻨﻬﺎ ﻋﺼﺎﻡ ﺳﻤﻴﺘﻮ ﻟﻴﻨﺎ:: ﺗﺒﺎﺭﻙ ﺍﻟﻠﻪ ﺭﺑﻲ ﻳﺤﺠﺒﻬﻢ ﻟﻴﻚ ﻭ ﻛﻴﻒ ﺩﺍﻳﺮ ﻋﻤاد ﺳﻮﺳﻦ:: ﻟﺒﺎﺱ ﻋﻠﻴﻪ ﻭﺍﺧﺎ ﺷﺤﺎﻝ ﻣﺸﻔﺘﻮ ﻣﺪﺓ ﻫﺎﺩﻱ ﻟﻴﻨﺎ:: ﺧﺪﻣﺔ ﺩﻳﻤﺎ ﺩﺍﻳﺎﻩ ﻋﺎﺭﻓﺎﻩ ﻛﻴﻤﻮﺕ ﻋﻠﻰ ﺧﺪﻣﺘﻮ ﻣﻬﻢ ﻋﺮﺿﺖ ﻋﻠﻴﺎ ﻧﻜﻠﺲ ﻣﻌﺎﻫﺎﺍ ﻣﺒﻐﻴﺘﺶ ﻧﺸﻮﻑ ﻋﻤﺎﺩ ﺣﻴﺖ ﻣﻐﺎﺩﻳﺶ ﻧﻘﺪ ﻧﺸﻮﻓﻮ ﺣﺪﺍﻳﺎ ﻏﺎﺩﻱ ﻧﺘﻌﺪﺏ ﻋﻴﻴﺖ ﻧﻬﺮﺏ ﻣﻨﻬﺎ ﺷﺪﺗﻨﻲ ﻭ ﺩﺍﺗﻨﻲ ﻟﻘﻴﺖ ﺭﺍﺟﻠﻬﺎ ﻟﻲ ﻛﺎﻥ ﺷﺨﺺ ﺍﺧﺮ ﻏﻴﺮ ﻋﻤﺎﺩ ﻣﻔﻬﻤﺖ ﻭﺍﻟﻮ ﺑﻐﻴﺖ ﻧﺴﻮﻟﻬﺎ ﻛﻴﻔﺎﺵ ﻫﺎﺩ ﺷﻲ ﻭﻻ‌ﻛﻦ ﻗﺪﺍﻡ ﺭﺍﺟﻠﻬﺎ ﻣﻘﺪﺭﺗﺶ ﻧﺴﻮﻟﻬﺎ ﺑﻘﻴﺖ ﺻﺎﺑﺮﺓ ﺣﺘﻰ ﻟﻘﺎ ﻓﺮﺻﺔ ﻧﻜﻮﻥ ﺍﻧﺎ ﻭﻳﺎﻫﺎ .. ﺭﺍﺟﻞ ﺳﻮﺳﻦ ﺟﺎﻩ ﺍﺗﺼﺎﻝ ﻭ ﻗﺎﻟﻬﺎ ﻏﺎﺩﻱ ﻧﻤﺸﻲ لشي ﻏﺮﺽ ﻫﻲ ﺑﻐﺎﺕ ﺗﺒﻘﻰ ﻣﻌﺎﻳﺎ ﻫﻨﺎ ﺟﺎﺗﻨﻲ ﻓﺮﺻﺔ ﻧﺴﻮﻟﻬﺎ ﺷﻨﻮ ﻭﺍﻗﻊ ﻭ ﺣﻜﺎﺗﻠﻲ ﺳﻮﺳﻦ ﺍﺵ ﻭﻗﻊ ﻣﻮﺭ ﻣﺎ ﻫﺮﺑﺖ ﺗﺼﺪﻣﺖ ﻭﻧﺪﻣﺖ ﻟﻲ ﻣﺸﻴﺖ ﻭ ﻣﺼﺒﺮﺗﺶ ﺳﻮﺳﻦ ﻭ ﻋﻤﺎﺩ ﻣﻮﺭ ما هربت. ﻣﻦ ﺑﻌﺪ ﻣﺎ ﻣﺸﻴﺖ لاسبانيا  ﺳﻮﺳﻦ ﻣﺎﺕ ﺑﺎﺑﺎﻫﺎ ﻭ ﻫﻲ ﻭ ﻋﻤﺎﺩ ﻓﺴﺨﻮ ﺍﻟﺨﻄﻮﺑﺔ ﺣﻴﺖ ﺍﺻﻼ‌ ﻣﻜﺎﻧﻮﺵ ﻳﺒﻐﻴﻮ ﺑﻌﻀﻴﺎﺗﻬﻢ ﺩﺍﺭﻭ ﻟﺨﺎﻃﺮ ﻏﻲ للعائلة ﻭ ﺑﻌﺪ ﻣﻮﺕ ﺍﺏ ﺳﻮﺳﻦ ﻗﺪﺭﻭ ﻳﻘﻨﻌﻮ ﻋﻤﻬﺎ ﺑﻠﻲ ﻣﻴﻘﺪﻭﺵ ﻳﻜﻤﻠﻮ ﺑﺰﻭﺝ ﺣﻴﺖ ﻫﻤﺎ ﺑﺤﺎﻝ ﻟﺨﻮﺕ ﻭ ﺳﻮﺳﻦ ﺗﺰﻭﺟﺖ براجل ﺍﺧﺮ ﻭ ﻋﻤﺎﺩ ﻋﻠﻰ ﺣﺴﺐ ﻣﺎ ﻗﺎﺗﻠﻲ ﺧﻄﺐ ﺷﻲ ﻭﺣﺪﺓ في ﻓﺮﻧﺴﺎ ﺍﻧﺎ ﺑﻼ‌ ﻣﻨﺤﺲ ﻧﺰﻟﺖ ﺩﻣﻌﺔ ﻣﻦ ﻋﻴﻨﻲ ﺣﻴﺖ ﻟﻮﻛﺎﻥ ﺑﻘﻴﺖ ﻳﻤﻜﻦ ﻋﻤﺎﺩ ﻳﺒﻐﻴﻨﻲ ﻭ ﻣﻴﻜﻮﻥ ﺣﺘﻰ ﺣﺎﺟﺰ ﺑﻴﻨﺎﺗﻨﺎ ﺳﻮﺳﻦ ﻋﺮﻓﺘﻨﻲ ﻛﻨﺒﻐﻲ ﻋﻤﺎﺩ ﺣﺴﺖ ﺑﻴﺎ ﻣﻌﺮﻓﺘﺶ ﺍﺵ ﻧﺪﻳﺮ ﺿﻴﻌﺖ ﻋﻤﺎﺩ بهروبي ﺩﻳﻤﺎ ﻛﻨﻬﺮﺏ ﻭ ﻣﻨﻮﺍﺟﻬﺶ ﻣﺸﺎﻛﻠﻲ ﻧﺪﻣﺖ ﻟﻲ ﻣﺸﻴﺖ ﻭﻻ‌ﻛﻦ ﻋﻤﺎﺩ ﻟﻴﻮﻡ ﺧﺎﻃﺐ ﻭ ﺍﻛﻴﺪ ﻋﻤﺮﻱ ﺟﻴﺖ ﻋﻠﻰ ﺑﺎﻟﻮ ﻣﻬﻢ ﺩﻭﺯﺕ ﻣﻌﺎﻫﺎ ﻧﻬﺎﺭ ﺣﺘﻰ ﻭﻗﺖ ﻟﻐﺮﻭﺏ ﺑﻐﻴﺖ ﻧﻜﻮﻥ ﺑﺤﺪﻱ ﻧﻜﻠﺲ ﺣﺪﺍ ﻟﺒﺤﺮ ﺣﻴﺖ ﻫﻮ ﺍﻟﻤﻜﺎﻥ ﺍﻟﻮﺣﻴﺪ ﻟﻲ ﻧﺤﺲ ﻓﻴﻪ ﺑﺎﻟﺮﺍﺣﺔ ﻭ ﻧﺨﻮﻱ ﻗﻠﺒﻲ ﻭ ﻧﺮﻣﻲ ﻛﻞ ﻣﺸﺎﻛﻴﻠﻲ ﻣﺸﻴﺖ ﻛﻠﺴﺖ ﺑﻮﺣﺪﻱ ﻋﻠﻰ ﺍﻟﺒﺤﺮ ﻭ ﺑﻘﻴﺖ ﻛﻨﺒﻜﻲ ﺑﺤﺎﻝ ﺷﻲ ﻃﻔﻠﺔ ﺻﻐﻴﺮﺓ ﺿﺎﻋﺖ ﻟﻴﻬﺎ ﺍﻻ‌ﻡ ﺩﻳﺎﻟﻬﺎ ﻣﻌﺮﻓﺘﺶ ﻋﻼ‌ﺵ ﻛﻴﻮﻗﻊ ﻟﻴﺎ ﻫﺎﺩ ﺷﻲ ﺩﺍﻳﻤﺎ ﺍﻟﻔﺮﺣﺔ ﻛﺘﻮﺻﻞ ﺣﺘﻰ ﻟﻌﻨﺪﻱ ﻭ ﺗﺮﺟﻊ ﺗﻤﺸﻲ ﺣﻴﺎﺗﻲ ﻛﻠﻬﺎ ﺻﺪﻣﺎﺕ ﺣﺘﻰ ﻣﺒﻘﻴﺘﺶ ﻗﺎﺩﺓ ﻧﺘﺤﻤﻞ ﺻﺒﺮ ﺗﻘﺎﺿﺎ ﻟﻴﺎ ﻣﺤﺴﻴﺘش براسي ﺣﺘﻰ ﻏﻤﻀﺖ ﻋﻴﻨﻲ ﻭ ﻧﻌﺴﺖ ﻋﻠﻰ ﺻﻮﺕ ﺍﻣﻮﺍﺝ ﺍﻟﺒﺤﺮ ﺷﻮﻳﺔ ﺗﺤﻄﺖ ﻋﻠﻴﺎ ﺷﻲ ﻳﺪ ﺩﺭﺕ ﻟﻘﻴﺖ ﻋﻤﺎﺩ ﺷﺪﻟﻲ ﻳﺪﻱ ﻭ ﻗﺎﻟﻲ ﻓﻴﻦ ﻛﻨﺘﻲ ﺍ ﻟﻴﻨﺎ ﺗﻮﺣﺸﺘﻚ ﺷﺤﺎﻝ ﻭﺍﻧﺎ ﻧﺴﺘﻨﺎﻙ ﻋﻼ‌ﺵ ﻣﺸﻴﺘﻲ ﻭ ﺧﻠﻴﺘﻴﻨﻲ ﻟﻴﻨﺎ ﻛﻨﺒﻐﻴﻚ ﻭ ﻋﻤﺮﻱ ﻧﺴﻤﺢ ﻓﻴﻚ ﺷﻮﻳﺔ ﺟﺎﺕ ﻓﻴﺎ ﻭﺍﺣﺪ ﺍﻟﻜﺮﺓ ﻋﻠﻰ ﺭﺍﺳﻲ ﻓﻴﻘﺘﻨﻲ ﻋﺎﺩ ﻋﺮﻓﺖ ﺑﻠﻲ ﻛﺎﻥ ﻣﺠﺮﺩ ﺣﻠﻢ ﺑﻌﻴﺪ ﻓﻘﺖ ﻭ ﻣﺸﻴﺖ ﻛﻨﺘﻤﺸﻰ فالمدينة ﺑﻮﺣﺪﻱ ﻛﻨﺸﻮﻑ ﻧﺎﺱ ﻓﺮﺣﺎﻧﺔ ﻧﺎﺱ ﺣﺰﻳﻨﺔ ﻧﺎﺱ ﻛﺘﺠﺮﻱ ﻣﺰﺭﻭﺑﺔ ﻭﺟﻮﻩ ﻏﺮﻳﺒﺔ ﻋﻠﻴﺎ ﻭﺟﻮﻩ ﻛﺘﻴﺮﺓ ﻛﺪﻭﺯ ﻋﻠﻴﺎ ﻭﺍﻧﺎ ﻛﻞ ﻭﺟﻪ ﻛﻨﺸﻮﻑ ﻓﻴﻪ ﺑﺎﺑﺎ ﻟﻲ ﺗﺤﺮﻣﺖ ﻣﻨﻮ ﻭ ﻋﺼﺎﻡ ﻟﻲ ﻓﺮﺣﺘﻲ ﻣﻌﺎﻩ ﻣﺎﺗﺖ ﻗﺒﻞ ﻣﺎ ﺗﺒﺪﺍ ﻭ ﺷﻔﺖ ﻋﻤﺎﺩ ﻟﻲ ﺑﻐﻴﺘﻮ ﺑﻌﺪ ﻣﺎ ﻓﻘﺪﺕ ﺍﻻ‌ﻣﻞ فالحياة ﻭ ﻗﻠﺖ ﺟﺎ ﻟﻲ ﻳﻌﻮﺿﻨﻲ ﻋﻠﻰ ﻛﻞ ﻣﺎ ﺩﺍﺯ ﻋﻠﻴﺎ ﻛﻨﺸﻮﻑ ﻓﻴﻬﻢ ﻭ ﻋﻨﺪﻱ ﺭﻏﺒﺔ ﻧﻌﻨﻘﻬﻢ ﻭ ﻧﻘﻮﻟﻬﻢ ﻋﻴﻴﻴﺖ ﻣﻘﺪﻳﺘﺶ ﻧﻬﺰ ﺍﻟﻬﻢ ﺑﻮﺣﺪﻱ ﺑﻐﻴﺖ ﺷﻲ ﺣﺪ ﻳﺤﺲ ﺑﻴﺎ ﺷﻲ ﺣﺪ ﻳﻘﻮﻟﻲ ﻧﺘﻲ ﻣﺎﺷﻲ ﺑﻮﺣﺪﻙ ﺍﻧﺎ ﻣﻌﺎﻙ ﻣﺒﻐﻴﺘﺶ ﻧﺒﻘﺎ ﺑﻮﺣﺪﻱ ﺑﻘﻴﺖ ﻏﺎﺩﻳﺎ فالطريق ﺣﺘﻰ ﻭﺻﻠﺖ للاوطيل ﻧﻌﺴﺖ ﻣﺤﺴﻴﺘﺶ ﺑالوقت ﺣﺘﻰ ﻓﻘﺖ ﻋﻠﻰ ﺍﺗﺼﺎﻝ ﻣﻦ ﺳﻮﺳﻦ ﻋﺎﺭﺿﺔ ﻋﻠﻴﺎ ﻟﻌﺸﺎ فالليل ﻭﺍﻓﻘﺖ ﺣﻴﺖ ﻣﻌﺎﻫﺎ ﻣﻜﻨﺤﺴﺶ ﺑﺎﻟﻮﺣﺪﺓ ﺩﻭﺯﺕ ﻧﻬﺎﺭ فالاوطيل ﻣﺨﺮﺟﺘﺶ ﺣﺘﻰ ﻗﺮﺏ ﺍﻟﻮﻗﺖ ﻟﻲ ﺍﺗﻔﻘﻨﺎ ﻧﺘﻼ‌ﻗﺎﻭ ﻗﺎﺩﻳﺖ ﺭﺍﺳﻲ ﻭ ﻟﺒﺴﺖ ﻭ ﺧﺮﺟﺖ ﻟﻘﻴﺘﻬﻢ ﻛﻴﺴﺘﻨﺎﻭﻧﻲ فالطونوبيلﻫﻲ ﻭ ﺭﺍﺟﻠﻬﺎ ﻣﺸﻴﻨﺎ ﻭﺻﻠﻨﺎ لواحد اليخت 


ﻟﻴﻨﺎ:: ﺳﻮﺳﻦ ﻓﻴﻦ ﺣﻨﺎ ﻭﺍﺵ ﻏﻨﺘﻌﺸﺎﻭ ﻫﻨﺎ ﺳﻮﺳﻦ:: ﺍﻩ ﻫﺎﺩﺍ ﻳﺨﺖ ﺩﻳﺎﻝ ﺻﺎﺣﺐ ﺭﺍﺟﻠﻲ ﻋﺎﺭﺽ ﻋﻠﻴﻨﺎ ﻭ ﻗﻠﺖ ﺗﺠﻲ ﺗﻔﻮﺟﻲ ﻣﻌﺎﻧﺎ ﻟﻴﻨﺎ:: ﺍﻣﻤﻢ ﺳﻌﺪﺍﺗﻮ ﻳﺨﺖ ﻭﺍﻋﺮ ﻣﻜﺮﻫﺘﺶ ﻧﻌﻴﺶ ﻓﻴﻪ ﺩﻳﻤﺎ ﺑﺎﻟﻴﺎ ﻣﺴﻤﻴﻪ ﻋﻠﻰ ﺳﻤﻴﺘﻲ ﻟﻴﻨﺎ ﻫﻬﻪ ﺳﻮﺳﻦ:: ﻫﻬﻬﻪ ﺍﻩ ﻣﺴﻤﻴﻪ ﻋﻠﻰ ﺑﻨﺘﻮ ﺍﻭﺍ ﻫﺎ ﻧﺘﻲ ﺷﻜﻮﻥ ﺑﺤﺎﻟﻚ ﻏﺎﺩﻱ ﺗﻌﺸﺎﻱ فيخت ﻭ ﻋﻠﻰ ﺳﻤﻴﺘﻚ ﻣﻬﻢ ﺩﺧﻠﻲ ﻧﺘﻲ ﺳﺘﻨﺎﻱ ﻟﺪﺍﺧﻞ ﻏﺎﺩﻱ ﻧﺒﻘﺎ ﻣﻊ ﺭﺍﺟﻠﻲ ﻳﺠﻲ ﺻﺎﺣﺒﻮ ﻟﺤﻘﻮ ﻋﻠﻴﻚ ﺍﺣﻨﺎ ﻭﺍﺧﺎ ﻟﻴﻨﺎ:: ﻧﺪﺧﻞ ﺑﺤﺪﻱ ﻻ‌ ﻻ‌ ﻧﺤﺸﻢ ﻳﻜﻮﻥ ﺷﻲ ﺣﺪ ﻟﺪﺍﺧﻞ ﺣﺘﻰ ﻧﺪﺧﻠﻮ ﺟﻤﻴﻊ ﺳﻮﺳﻦ:: ﻭﺍﺗﻲ ﺩﺧﻠﻲ ﻣﻜﺎﻳﻦ ﺣﺪ ﺭﺍﻩ ﺍﻟﻌﺴﺎﺱ ﻫﺎﻫﻮ ﺑﺮﺍ ﻏﻲ ﻳﺠﻲ ﻣﻮﻝ ﺍﻟﻴﺨﺖ ﻧﺪﺧلوا  ﺳﻴﺮﻱ ﺷﻮﻓﻴﻪ ﻣﻦ ﺩﺍﺧﻞ ﺳﺘﺎﻏﻠﻲ ﺍﻟﻔﺮﺻﺔ ﺭﺍﻩ ﻭﺍﻋﺮ ﺑﻼ‌ﺗﻲ ﻣﻐﺘﻠﻘﺎﻳﺶ ﻓﺮﺻﺔ ﺗﺸﻮﻓﻴﻪ ﻣﺰﻳﺎﻥ.. ﺩﺧﻠﺖ ﻭﺧﻠﻴﺖ ﺳﻮﺳﻦ ﺑﺮﺍ ﻛﺎﻥ ﻣﻦ ﺩﺍﺧﻞ ﺑﺤﺎﻝ ﺷﻲ ﺳﻮﻳﺖ ﻏﻮﺍﻳﺎﻝ ﺷﻲ ﺣﺎﺟﺔ ﻟﻲ ﻓﻮﻕ ﺍﻟﻮﺻﻒ ﺭﺍﺋﻊ بالاضواء ﻭ ﻣﻨﻀﻢ ﺣﺴﻴﺖ براحة  ﻛﻠﺴﺖ ﻭ ﻛﻨﺘﺄﻣﻞ فجمالو ﻭﻻ‌ﻛﻦ ﺗﻌﻄﻠﻮ ﻋﻠﻴﺎ ﺑﺰﺍﻑ ﺷﻮﻳﺔ ﺑﺎﻟﻴﺎ ﺍﻟﻴﺨﺖ ﻛﻴﺘﺤﺮﻙ ﺧﻔﺖ ﺑﺰﺍﺍﻑ ﺍﺵ ﻭﺍﻗﻊ ﺧﺮﺟﺖ ﻛﻨﺠﺮﻱ ﻧﺸﻮﻑ ﺳﻮﺳﻦ ﻣﻌﺮﻓﺘﺶ ﺍﺵ ﻭﻗﻌﻠﻲ ﺑﻘﻴﺖ ﻭﺍﻗﻔﺔ ﺑﺤﺎﻝ ﺷﻲ ﺣﺪ ﻛﺎﻥ ﻣﺤﺒﻮﺱ فغرفة ﻣﻀﻠﻤﺔ ﺳﻨﻴﻦ ﻭ ﺗﻔﺘﺤﺖ ﻟﻴﻪ ﺑﺎﺍﺏ ﺑﺎﺵ ﻳﺨﺮﺝ ﻟﻠﺤﻴﺎﺓ ﻣﻦ ﺟﺪﻳﺪ ﻓﺮﺣﺘﻲ ﻛﺎﻧﺖ ﻻ‌ ﺗﻮﺻﻒ ﺣﺴﻴﺖ ﺭﺍﺳﻲ ﺑﺤﺎﻝ ﺷﻲ ﻓﺮﺍﺷﺔ ﻭﺍﻧﺎ ﺷﺎﻳﻔﺔ ﻋﻤﺎﺩ ﻭﺍﻗﻒ ﻭ ﻛﻴﺒﺘﺎﺳﻢ ﺍﺑﺘﺴﺎﻣﺔ ﺑﺮﻳﺌﺔ ﻭﻛﻠﻬﺎ ﺣﺐ ﻭ ﺍﻣﻞ ﻓﻬﻤﺖ ﺑﻠﻲ ﻋﻤﺎﺩ ﺩﺍﺭ ﻫﺎﺩ ﺷﻲ ﻛﻠﻮ ﻋﻠﻰ ﻭﺩﻱ ﻛﺎﻥ ﻣﻮﺟﺪ ﻋﺸﺎ ﺭﻭﻣﺎﻧﺴﻲ ﻭ ﺷﻤﻮﻉ ﻭ ﻭﺭﺩ ﺣﻤﺮ ﺍﻧﺎ ﻣﺰﺍﻝ فبلاصتي ﻭﺍﻗﻔﺔ ﻛﻨﺸﻮﻑ ﻫﺎﺩ ﺷﻲ ﻭﺍﺵ ﺑﺼﺢ ﻭﻻ‌ ﻣﺠﺮﺩ ﺣﻠﻢ ﻭ ﻏﺎﻧﻔﻴﻖ ﻋﻠﻰ ﺷﻲ ﺿﺮﺑﺔ ﻟﻠﺮﺍﺱ بشي ﻛﺮﺓ ﺣﺘﻰ ﺑﺎﻟﻲ ﻋﻤﺎﺩ ﻛﻴﻘﺮﺏ ﻟﻴﺎ ﺧﻄﻮﺓ بخطوة
ﻋﻤﺎﺩ:: ﻟﻴﻨﺎ ﺗﻮﺣﺸﺘﻚ ﻟﻴﻨﺎ:: ﻋﻤﺎﺩ ﺷﻨﻮ ﻭﺍﻗﻊ ﻋﻤﺎﺩ:: ﻭﺍﻗﻊ ﻏﻲ ﻟﺨﻴﺮ ﻋﺎﻣﻴﻦ ﻭ ﺍﻧﺎ ﻛﻨﺴﺘﻨﺎ ﺍﻣﺘﻰ ﻧﻠﻘﺎﻙ ﻣﺮﺓ ﺍﺧﺮﻯ ﻫﺮﺑﺘﻲ ﺑﻼ‌ ﻣﺘﻌﻠﻤﻲ ﻭﻻ‌ ﺗﻔﻬﻤﻲ ﻟﻴﻨﺎ:: ﻋﻤﺎﺩ ﻣﻌﺮﻓﺘﺶ ﺍﺷﻨﻮ ﻧﻘﻮﻟﻚ ﻭﻻ‌ﻛﻦ ﻛﻨﺖ ﻣﻀﻄﺮﺓ ﻭ ﻣﺪﻣﺮﺓ ﻣﻦ ﺩﺍﺧﻞ ﻣﻔﻜﺮﺗﺶ ﺑﺰﺍﻑ ﺧﺪﻳﺖ ﻗﺮﺍﺭﻱ بسرعة ﻋﻤﺎﺩ:: ﻟﻲ ﻓﺎﺕ ﻣﺎﺕ ﻭ ﻛﻠﺸﻲ ﻏﺎﺩﻱ ﻳﺘﺼﻠﺢ ﻣﻦ ﻟﻴﻮﻡ ﺣﻨﺎ ﺑﺰﻭﺝ ﻣﻐﺎﺩﻳﺶ ﻧﺘﻔﺎﺭﻗﻮ ﻟﻴﻮﻡ ﻣﻌﻨﺪﻱ ﺣﺘﻰ ﻋﺬﺭ ﺑﺎﺵ ﻧﻘﻮﻟﻚ ﻛﻨﺒﻐﻴﻚ ﻟﻴﻨﺎ::ﻋﻤﺎﺩ ﻛﻴﻔﺎﺵ ؟؟ ﻭ ﺧﻄﻴﺒﺘﻚ ﻋﻤﺎﺩ:: ﻣﻌﻨﺪﻱ ﺧﻄﻴﺒﺔ ﺗﻔﺎﺭﻗﺖ ﻣﻌﺎﻫﺎ ﻣﻦ ﺯﻣﺎﻥ ﺣﻴﺖ ﻣﻘﺪﺭﺗﺶ ﻧﻜﻤﻞ ﻣﻌﺎﻫﺎ ﻧﺘﻲ ﺍﻟﻮﺣﻴﺪﺓ ﻟﻲ فقلبي ﺑﻼ‌صتك ﺣﺘﻰ ﻭﺣﺪﺓ ﻣﺘﻌﻤﺮﻫﺎ ﺣﺎﻭﻟﺖ ﻣﻘﺪﻳﺘﺶ ﻟﻴﻨﺎ:: ﻋﻼ‌ﺵ ﺿﻴﻌﺖ ﻛﺎﻉ ﻫﺎﺩ ﺳﻨﻴﻦ ﺑﺎﺵ ﺗﻘﻮﻟﻲ ﻛﺘﺒﻐﻴﻨﻲ. ﻋﻼ‌ﺍﺍﺍﺵ ﻋﻤﺎﺩ ﻣﻌﺮﻓﺘﺶ ﺷﺤﺎﻝ ﺗﻌﺪﺑﺖ ﻭﺍﻧﺎ ﻛﻨﺒﻐﻴﻚ ﺑﻮﺣﺪﻱ ﻭﻧﺘﺎ ﻻ‌ ﻋﻤﺎﺩ:: ﺷﻜﻮﻥ ﻗﺎﻟﻚ ﺍﻧﺎ ﻻ‌ ﻟﻌﻜﺲ ﺍﻧﺎ ﺑﻐﻴﺘﻚ ﻗﺒﻞ ﻣﺎ ﺗﺸﻮﻓﻴﻨﻲ ﻧﺘﻲ ﺑﻐﻴﺘﻚ ﻣﻦ ﻗﺒﻞ ﻣﺎ ﻧﺸﻮﻓﻚ فالشركة ﻟﻴﻨﺎ:: ﻛﻴﻔﺎﺵ ؟؟؟ ﻋﻤﺎﺩ:: ﻋﺼﺎﻡ ﺍﻟﻠﻪ ﻳﺮﺣﻤﻮ ﻭ ﺍﻧﺎ ﻛﻨﺎ ﺻﺤﺎﺏ ﺑﺰﺍﻑ ﻋﺼﺎﻡ ﺣﻜﺎﻟﻲ ﻣﻦ ﻧﻬﺎﺭ ﻟﻘﺎﻙ ﻋﻨﺪ ﺩﻳﻚ ﻟﻤﺮﺍ ﻛﻞ ﻧﻬﺎﺭ ﻳﻬﻀﺮﻟﻲ ﻋﻠﻴﻚ ﻭ ﻋﻠﻰ ﺍﺧﻼ‌ﻗﻚ ﻛﻨﺖ ﻛﻨﺸﻮﻑ ﺻﻮﺭ ﺩﻳﺎﻟﻜﻢ ﺑﺰﻭﺝ ﻣﻌﺮﻓﺘﺶ ﻛﻴﻔﺎﺵ ﻭ ﺍﻣﺘﻰ ﺑﻐﻴﺘﻚ ﻛﻞ ﻣﺎ ﻳﺤﻜﻴﻠﻲ ﻋﻠﻴﻚ ﺣﺒﻲ ﻛﻴﻜﺒﺮ ﻛﺘﺮ ﻭ ﻛﺘﺮ ﺣﺘﻰ ﻋﺮﺳﻜﻢ ﻣﺒﻐﻴﺘﺶ ﻧﺤﻀﺮ ﻭﺍﺧﺎ ﻛﺎﻥ  بامكاني ﻟﺤﻀﻮﺭ ﻭﻻ‌ﻛﻦ ﻣﺒﻐﻴﺘﺶ ﻧﺘﺄﻟﻢ ﺣﻴﺖ ﺣﺒﻲ ﻟﻴﻚ ﺭﺟﻊ ﻛﺒﻴﺮ ﺗﻤﻨﻴﺖ ﺗﻜﻮﻧﻲ ﻟﻴﺎ ﺍﻧﺎ ﻭﻧﻬﺎﺭ ﺟﻴﺘﻲ لفرنسا ﻛﻨﺖ ﻣﺘﺒﻊ ﺍﺧﺒﺎﺭﻙ ﻋﺮﻓﺘﻚ ﺧﺪﻣﺘﻲ فالشركة ﺩﻳﺎﻝ ﻣﻮﺳﻴﻮ ﻛﺮﻳﻢ ﻟﻲ ﻛﺎﻥ ﺻﺎﺣﺒﻲ ﻭ ﻃﻠﺒﺘﻮ ﻧﺨﺪﻡ ﻣﻌﺎﻩ ﺑﺎﺵ ﻧﻜﻮﻥ ﻗﺮﻳﺐ ﻣﻨﻚ ﻭﻻ‌ﻛﻦ ﻣﻘﺪﺭﺗﺶ ﻧﻘﻮﻟﻚ ﻭﺍﻟﻮ ﻛﻨﺘﻌﺎﻣﻞ ﻣﻌﺎﻙ ﺑﺤﺎﻝ ﺯﻣﻴﻠﺔ فالعمل ﺣﻴﺖ ﻛﺎﻧﻮ ﺍﻟﻌﺎﺋﻠﺔ ﻓﺎﺭﺿﻴﻦ ﻋﻠﻴﻨﺎ ﺍﻧﺎ ﻭ ﺳﻮﺳﻦ ﺯﻭﺍﺝ ﻭﻣﻘﺪﺭﺗﺶ ﻧﻘﻮﻟﻚ ﺍﻧﺎ ﺧﺎﻃﺐ ﺣﻴﺖ ﻏﺎﺩﻱ ﻧﺨﺴﺮﻙ ﺣﻴﺖ ﻛﺎﻥ ﻋﻨﺪﻱ ﺍﻣﻞ ﻳﺠﻲ ﻧﻬﺎﺭ ﻭ ﻳﻔﻬﻤﻮ ﺑﻠﻲ ﺍﻧﺎ ﻭ ﺳﻮﺳﻦ ﺧﻮﺕ ﻓﻘﻂ ﻭ ﻓﻌﻼ‌ ﻫﺎﺩ ﺷﻲ ﻟﻲ ﻭﻗﻊ ﻭﻻ‌ﻛﻦ ﻧﺘﻲ ﻛﻨﺘﻲ ﻫﺮﺑﺘﻲ ﻭ ﺳﻤﺤﺘﻲ ﻓﻴﺎ ﻭ ﺧﻠﻴﺘﻴﻨﻲ ﻛﻨﺘﻌﺪﺏ ﻭ.. ﻟﻴﻨﺎ: ﺻﺎﻓﻴﻲ ﻣﺘﺰﻳﺪ ﻭﺍﻟﻮ ) ﻋﻨﻘﺘﻮ ﻭ ﺑﻘﻴﺖ ﻛﻨﺒﻜﻴﻲ ﺣﺴﻴﺖ براحة ﻛﺒﻴﺮﺓ ﺣﺴﻴﺖ بامل ﻛﺒﻴﺮ ﻋﻤﺎﺩ ﻛﻴﺒﻐﻴﻨﻲ ﻛﻴﻒ ﻛﻨﺒﻐﻴﻪ ﻳﻤﻜﻦ ﺭﺑﻲ ﻋﻮﺿﻨﻲ ﺧﻴﺮ ﻭ ﻏﺎﺩﻱ ﻧﻌﻴﺶ ﻣﻊ ﻋﻤﺎﺩ ﺍﻟﻔﺮﺣﺔ ﻟﻲ ﺗﺤﺮﻣﺖ ﻣﻨﻬﺎ ﺳﻨﻴﻦ ﻋﻤﺎﺩ ﻫﻮ ﺍﻣﻠﻲ ﺍﻻ‌ﺧﻴﺮ ﺩﻭﺯﻧﺎ ﻧﻬﺎﺭ ﻋﻤﺮﻱ ﻧﺴﺎﻩ ﻓﺎﺗﺤﺘﻮ فموضوع ﻋﺼﺎﻡ ﺣﻴﺖ ﻭﻋﺪﺗﻮ ﻧﺠﻴﺒﻠﻮ ﺣﻘﻮ ﻋﻤﺎﺩ ﺣﺘﻰ ﻫﻮ ﻣﺘﺤﻤﺲ ﺑﺎﺵ ﻧﻌﺮﻓﻮ ﺷﻜﻮﻥ ﻗﺘﻠﻮ ﻭ ﻳﺎﺧﺪ ﺣﻘﻮ ﺑﻘﻴﻨﺎ ﻛﻨﻘﻠﺒﻮ ﻋﻠﻰ ﺍﻱ ﺩﻟﻴﻞ ﺑﺎﺵ ﻧﻔﺘﺤﻮ ﺍﻟﻘﻀﻴﺔ ﻣﻦ ﺟﺪﻳﺪ ﺑﺪﻳﻨﺎ ﺑﺎلسيرفور ﻟﻲ ﻋﻄﺎﻩ ﺳﻢ فالعصير ﻗﻠﺒﻨﺎ ﻋﻠﻴﻪ ﻟﻘﻴﻨﺎ ﺭﺣﻞ ﻣﻦ ﺍﻟﻤﺪﻳﻨﺔ ﻗﻠﺒﻨﺎ ﺑﺰﺍﻑ ﻭ ﺳﻮﻟﻨﺎ ﻛﻞ ﻧﺎﺱ ﻟﻲ ﺗﻌﺮﻓﻮ ﺣﺘﻰ ﺟﺒﻨﺎ ﺍﻟﻌﻨﻮﺍﻥ ﺟﺪﻳﺪ ﻟﻲ ﻛﺎﻥ فمراكش ﻣﺸﻴﻨﺎ ﻭ ﻟﻘﻴﻨﺎﻩ ﻣﺮﻳﺾ ﺍﻟﻠﻪ ﻳﺤﻔﺾ ﺟﺎﻩ ﺳﺮﻃﺎﻥ فالدم ﺣﺎﻟﺘﻮ ﻛﺘﺨﻮﻑ ﻏﻲ ﺷﺎﻓﻨﻲ ﺑﺪﺍ ﻛﻴﺒﻜﻲ ﻭ ﻳﻘﻮﻟﻲ 

ﺳﻴﺮﻓﻮﺭ::ﺳﻤﺤﻴﻠﻲ ﺍﻧﺎ ﻗﺘﻠﺖ ﺭﺍﺟﻠﻚ ﺳﻤﺤﻴﻠﻲ ﺳﺘﻐﻠﻮ ﺿﻌﻔﻲ ﻭقلة  الشي ﻭ ﻏﺮﻭﻧﻲ بفلوس كتيرة  ﺑﺎﺵ ﻧﺪﻳﺮ ﺍﻟﺴﻴﺮﻭ فالعصير ﻛﺪﺑﻮ ﻋﻠﻴﺎ ﻗﺎﻟﻮﻟﻲ ﺑﻐﻴﻨﺎ ﻧﻀﺤﻮ ﻣﻌﺎ ﺍﻟﻌﺮﻳﺲ ﺣﻨﺎ ﺻﺤﺎﺑﻮ ﺑﻐﻴﻨﺎﻩ ﻳﻨﻌﺲ ﻧﻬﺎﺭ ﻋﺮﺳﻮ ﺑﺎﺵ ﺭﺑﺤﻮ ﺣﻨﺎ ﺣﻴﺖ ﻣﺮﺍﻫﻨﻴﻦ ﻣﻌﺎﻩ ﻭ ﺑﻘﺎﻭ ﻳﺤﻠﻔﻮﻟﻲ ﺑﻠﻲ ﺳﻴﺮﻭ ﺩﻳﺎﻝ ﻧﻌﺎﺱ ﻭ ﻭﺍﺣﺪ ﻓﻴﻬﻢ ﺷﺮﺑﻮ ﺣﺪﺍﻳﺎ ﻭ ﺩﺍﺭﻭﻩ ﻫﻮﻣﺎ فكاس ﺩﻳﺎﻝ ﻟﻌﺼﻴﺮ ﻭﺍﻧﺎ ﻋﻄﻴﺘﻮ ﻟﻴﻚ ﺑﺎﺵ ﺗﺸﺮﺑﻴﻪ ﻟﻴﻪ ﻣﻜﻨﺘﺶ ﻋﺎﺭﻓﻮ ﺳﻢ ﻏﺎﺩﻱ ﻳﻘﺘﻠﻮ ﻟﻴﻨﺎ:: ﻋﻼ‌ﺵ ﻣﻤﺸﻴﺘﺶ ﻟﻠﻤﺤﻜﻤﺔ وعتارفتي بهاد ﺍﻟﻬﻀﺮﺓ ﺳﺮﻓﻮﺭ::ﺧﻔﺖ ﺧﻔﺖ ﺣﻴﺖ ﻫﺪﺩﻭﻧﻲ ﻣﻦ ﺑﻌﺪ ﻣﻮﺕ ﺩﻳﺎﻝ ﺭﺍﺟﻠﻚ ﻫﺮﺑﻮﻧﻲ لمراكشﻭ ﻗﺎﻟﻮﻟﻲ ﺭﺍﻩ ﺍﻟﻘﻀﻴﺔ ﻏﺎﺩﻱ ﺗﻘﻴﺪ ﻣﻮﺕ ﺩﻳﺎﻝ ﺍﻟﻠﻪ ﻭ ﻣﻐﺎﺩﻱ ﻳﻮﻗﻊ ﻭﺍﻟﻮ ﺍﻧﺎ ﺩﺭﺕ ﻟﻲ ﻗﺎﻟﻮ ﻟﻴﺎ ﺣﻴﺖ ﺧﻔﺖ ﻟﻴﻨﺎ:: ﺧﻔﺖ ﻣﻨﻬﻢ ﻣﻦ ﺑﺸﺮ ﺑﺤﺎﻟﻚ ﺑﺤﺎﻟﻮ ﻭ ﻣﺨﻔﺘﺶ ﻣﻦ ﺍﻟﻠﻪ ﻭ ﻋﻘﺎﺑﻮ ﺳﺮﻓﻮﺭ::ﻧﺪﻣﺖ ﻭ ﻋﻘﺎﺏ ﺍﻟﻠﻪ ﺭﺍﻛﻲ ﺗﺸﻮﻓﻴﻪ ﻟﻴﻮﻡ ﺍﻟﻤﺮﺽ ﻛﻴﺎﻛﻞ ﻓﻴﺎ ﻛﻞ ﻧﻬﺎﺭ ﻣﻘﺎﺩﺵ ﺣﺘﻰ ﻧﺪﻳﺮ ﺩﻭﺍ ﻛﻨﻤﻮﺕ ﻛﻞ ﻧﻬﺎﺭ 100ﻣﺮﺓ ﻭ ﺭﺍﺟﻠﻚ ﻛﻞ ﻧﻬﺎﺭ ﻛﻴﺠﻴﻨﻲ فالحلم ﻛﻴﻘﻮﻟﻲ ﺣﻘﻲ ﻣﻐﺎﺩﻳﺶ ﻳﻀﻴﻊ ﻣﺰﺍﻝ ﻏﺎﺩﻱ ﻳﺠﻲ ﻟﻲ ﻳﺎﺧﺪﻭ ﻟﻴﺎ ﺧﺘﻲ ﻋﻔﺎﻙ ﻋﺎﻭﻧﻴﻨﻲ ﻧﺘﻲ ﻫﻲ ﻟﻲ ﻏﺎﺩﻱ ﺗﺮﻳﺤﻴﻨﻲ ﻛﻨﺴﺘﻨﺎﻙ ﻫﺎﺩﻱ ﺳﻨﻴﻦ ﺗﺠﻲ 

يتبع
شاركي على غوغل بلاس