طريقة تحضير الببوش او غلالة






اليوم ان شاء الله غنشارككم طريقتي في تحضير الببوش ولي موجود دبا ماشاء الله بكثرة بسم الله وعلى بركة غنحتاجوا ل2 كيلو من الببوش نجيبوها ونخليوها شي 3 ايام فشي سطل كبير ونغطيوها بشي غربال او بالكسكاس باش يطلق كل الاكل لي واكل او يمكن ليكم تلوحوا معاه حفينة تاع النخالة
ناخدوه النهار4   نغسلوه مزيان بالماء 7 مرات حت تيبان ليكم الماء ولا صافي ونعملوه فشي شبيكة باش يستقطر مزيان 
 نوجدوا التوابل الاتية   الكآمون آلصوفي زعتر كآمون بلدي نآفع ورقة موسى عويدات القرفة عويدات سكينجبير فلفل حار عرق آلسوس إبزآر حبوب كروية حبة حلآوة قعقلة لمهم كتمشي عند لعطار وهو يجمعهم ليك وتزيدي معاهم قشرة برتقالة وشوية الملح منكتروش منو وضامة البنة كنور بنكهة البقري
تناخد توب نقي ونحط فيهم التوابل لي دكرت سابقا بعدما نكون نقيتهم وغسلتهم بالماء وصفيتهم ونجمعها على شكل صريرة 
ناخد طنجرة كبيرة ونعمل فيها الماء الكافي تقريبا .2.5 ليتر ونخليها تغلي مزيان ونلوح الصريرة  والملح وقشرة الليمون 
والببوش ونبق نحرك فيه مرة مرة بالمغرف تقريبا تياخد ساعة ونصف فالطياب وملي نحس بيه طاب تنضيف ضامة البنة  تتجي المرق ديالو غزالة بحال لي تيتباع فالسوق ونقدموا بالصحة والعافية 
 


شاركي على غوغل بلاس