قصة الحقد والحسد ج1







هبة: ألو حبيبة فينك؟! مازال ماخرجتيش من الدار؟!! وفاء: هانا خارجة دابا تنلبس إياد ولدي..راكي عارفة الدراري تيعطلو ياختي..
هبة: بشوية على الحبيب ديال خالتو حتى يلبس .. ههه نتسناه هانية ههههه..وفاء: ياك الخايبة!! ختك متسنايهاش وولد ختك تسنايه..
هبة: هاداك راه حبيبي.. يله منزيدش نعطلك كملي وخرجي هانا تنتسناكم..
وفاء: فين غنتلاقاو بعدا؟!! هبة: فالقيسارية أختي ياك قلت ليك غتمشي تشوفي معايا شي تواب ديال الطلامط حيت باغيا نبدل الصالون..!!وفاء: آه صافي صافي.. واخا..المهم وفاء و هبة 2 خواتات .. وفاء عندها ولد واحد و هبة حاملة للمرة الثانية حيت الحمل الاول خسر ليها .. مللي كملات وفاء اللبس خرجات باش تمشي عند ختها شدات طاكسي ولحقات عليها.. غير حطها الطاكسي لقاتها تتسناها.. هبة: على سلامتنا..وفاء: الله يسلمك..هبة: إياد!! حبيب خالتوو وينو وينو على الخوينز..هههه غادي وكيزيان ما شاء الله.. شحال دار دابا؟!!وفاء: عام و نص.. ماشاء الله.. هبة:يخليه ليلي ..الى ولدت بنت نزوجها ليه هههههه..وفاء: ياربي غير يكمل ليك الحمل على خير .. راكي متتشديش لارض والطبيبة ديما تتقوليك عطي الراحة لراسك..
هبة: يكون خير أختي..دعي معايا.. وفاء: الله يكمل ليك أختي على خير.. (بقاو غاديين فالطريق وتيتحدثو)..
هبة: آمين أختي..اوا كيداير سفيان راجلك..؟!وفاء: لاباس عليه الحمد لله تيتكرفس هاد ليام مع الخدمة..ونتي؟؟! رجع ليه عقلو راجلك؟!! هبة: عاد مازاد فيه راه ديما القصاير والسكرة تفو وليت تنكرهووو ..وفاء: الله يهديه وخلاص..
هبة: الى متهداش حياتو هاديك.. انا غنربي ولدي ولا بنتي ونعطيه اتساع.. المهم خلينا ناشطين بلا متجبديه عليا ..يله ندخلو لهاد المحل را عندو تواب زوينين..وفاء: واخا يله.. نخلي الكروسة ديال إياد هنا ؟! هبة: صافي خليها على برا ولكن هزي ولدك ..ولا عرفتي شنو صافي خليه فالكروسة راه عيننا عليه ..وفاء: واخا الى مبكاش صافي خليه..
المهم بقاو رادين البال مع إياد وتيشوفو فالتواب.. حتى اطمأنو وفلحظة غفلو عليه بلا ميحسو..جات تدور هبة ..
هبة: أويييييلي وحدي فين الولد؟؟؟؟وفاء: (مقدرتش تدور بالخلعة)شادة في ياك أختي باغا تخلعيني!!
هبة: إياااااد مكاينش فكروستو..وفاء: أويلي ولدي!! (مشات تتجري جهة الكروسة ملقاتوش بقات تتقلب مابانش ليها)...ولدي ... هبة ولدي!!!! ناري هبة ..هبة بدات تتبكي ووفاء فشلو عليها رجليها طاحت للأرض وبقاو يخويو عليها فالما..هبة مشات تتسول فالناس تاحد ماشافو..ناضت وفاء بقاو تيقلبو تقريبا القيسارية الكاملة ملقاوهش..وفاء: اليوم يقتلني سفيان..ختي عتقيني ولدي فينو ختي عاافاك(وتتبكي)
هبة: غيكونو خطفوه..وفاء:أويلي أختي!!! شكون خطفووو شكون خداه لي؟!!! شكون كواني فيه..!!!!!!!!!!!!!!!!!! هبة: ختي ثبتي راسك خاصنا نمشيو عند البوليس..ونبلغو .. وفاء: ختي غنعيط لباه .. هبة: عيطي ولكن متقوليلو والو فالتلفون تيجي.. وفاء: ياربي صبرني.. حاسة براسي غنطيح.. هبة: بحال هاد الظروف تتبغي الواحد يكون قوي.. غادي تلقايه ان شاء الله.. وفاء: واخا..عيطات ل سفيان).. أ..ألو سفيان!!! سفيان: ألو حبيبة لاباس؟! كيداير إياد؟! وفاء: سفيان أجي عندي دابا حدا قسارية الطلامط .. سفيان: ياك لاباس!! راني خدام.. وفاء: مغنقدر نقوليك والو دابا تتجي وتعرف..خللي الخدمة وكلشي واجي عافاك.. سفيان: هانا جاي دابا.. وفاء:(من بعد ماقطع سفيان..عنقات ختها ) اليوم يطلقني أختي هبة.. واش أنا مرا اللي ودرت ولدي.. هبة: عافاك متديريش فراسك هاكة..نتي منويتيهش يتخطف..صافي هادشي مكتاب.. دابا تلقاوه.. واحد الشوية بدا تيصوني تلفون وفاء.. وفاء: ألو.. مجهول: شوفي ولدك عندنا.. وجدي لينا 40 مليون الى بغيتيه يبقى عايش..طوط..طوط..طوط..طوط..طوط هبة: وفاء!!! وفااااء!!! شكون مالك؟!! واتتي مالك مصدومة؟؟؟؟. فهاد اللحظة وصل سفيان..جاي تيجري.. لقا مراتو فحالة صعبة الدموع والصدمة.. سفيان: وفاء!! شنو واقع!! وفين إياد.؟؟ هبة: وفاء ختي جلسي هنا أنا غنهضر مع سفيان .. هبة جرات سفيان بعيد.. وقالتلو.. هبة: سفيان!! عافاك بلا متعصب وفاء حالتها صعيبة قدر شوية.. سفيان: وافهموني أعباد الله شنو واقع!! هبة: خطفو لينا إياد.. سفيان: شنوووو!!!! ولدي!! (مشا تيجري جهة وفاء اللي متدمرة كليا) سفيان: فين ولدي أوفاء ها!!!؟ فينووو؟ وفاء زادت انفاجرات بالبكا. .. وفاء: ولدنا اتخطف.. سفيان: ونتي أش كنتي حاضية؟؟؟؟؟ هبة: عافاك أسفيان خاصنا نلقاو الحل..سولها شكون عيط ليها بعدا.. وفاء: عيط لي واحد قالي ولدكم عندنا والى بغيتو تشوفوه.. 40 مليون..عاد تاخدوه.. سفيان: خاصنا نمشيو نعلمو البوليس.. هادو مللي عندهم نمرتك يعني هادشي مدروس من قبل.. وتيعرفونا . هبة: عندكم شي أعداء؟؟؟ سفيان: أنا يله شديت حقي فالورث جاتني فيه 45 مليون.. ومكاينش اللي عارفها من غير العائلة ديالي.. زعما يكون شي حد منهم اللي خطفو.. هبة:ياربي السلامة زعما بنادم الطمع عماه حتى لهاد الدرجة.. اوا سيرو للبوليس سرهم نيت الحبس.. ولكن خاصكم تديرو كلشي بالعقل باش مايآذيوش إياد.. سفيان: داكشي نوضي أ وفاء نمشيو لأقرب مركز شرطة.. وفاء:(تتبكي) واخا.. اللي بغيتي أنا باغا ولدي يبات معايا هاد الليلة.. سفيان: إن شاء الله.. ناضو مشاو لأقرب مركز شرطة.. دخلو سولو على الكوميسير يله غيدخلو للبيرو ديالو وهو يصوني التلفون ديال وفاء.. مجهول: كيبانلي ولدك رخيص عندك.. من الاول قولي لينا قتلوه بلا منبقاو نتسناو.. وفاء: لاااا عافاكم..لاااا مجهول: أشنو تديري فمركز الشرطة ؟؟؟واش تصحابينا كوانب؟!! وفاء: عافاك صافي غنخرجو دابا.. مجهول: هاد المرة غندوزها ليك ومرة خرى الى شفتك اتصلتي او دخلتي لمركز شرطة غنقتل ليك العزري.. وفاء: واخا . . سمحولي صافي .. عاودات ليهم وفاء شنو قاليها .. سفيان: يله نخرجو تنشوفو شنو نديرو.. هبة: حيوانات صافي..معلقين لينا كاميرات ولا شنو وفاء: خاصنا نجلسو ونفكرو شنو نديرو فهاد الوحلة.. بدا تيتصل داك المجهول.. وفاء: أ..ألوو.. مجهول: دابا مزيان.. والى قاليك راسك غتضحكي علينا غادي نخليوك تترحمي على ولدك..ونزيدك حنا عندنا الحبس بحال دارنا نقتلوه وندخلو هانية.. وفاء: عافاك ماغاديش نبقى نغلط.. بغيت نسمع صوت ولدي.. مجهول: واخا..هانا غنقرصو باش يبكي..(قرصو وبدا تيبكي )،. وفاء: (تتبكي) ولددددي حبيبي قريب غتجي عندنا.. متبكيش.. مجهول: سمعيني مزيان..40 مليون غتوجديها من هنا ل 3 يام..والى تعطلتي غتولي 50 مليون.. وفظرف سيمانة الى موجدتيش الفلوس اللي غيكونو تضاعفو عن كل يوم تأخير.. غير وجدي الكفن لولدك..طوط..طوط..طوط..طوط.. وفاء: ألووو..ألوووو..أللوووو...قطع.. وفاء: (شدات فراجلها) سفيان دابا شنو غنديرو!!!!! ولدنا غيضيع منا.. عافاك لما قولي.. سفيان: أووووف باراكا. .. باراكا من الصداع والغوات على والو كون فيك الفايدة كون قابلتيه.. داباغير سكتي باش نلقاو الحل.. هبة: تيبانلي الحل هو تعطيهم الفلوس.. وفاء: آه ..بصح عطيهم الفلوس باش يردو لينا ولدنا.. سفيان: أنا اللي مبغاش يتفهم لي هو شكون هذا اللي عندو أسرارنا وغدرنا هكا..!!! هبة: بنادم الله يستر معندوش الضمير.. وفاء: المهم أختي هبة سمحي لينا عذبناك مهانا .. مانتي بتقدية مانتي بوالو حنا غنمشيو للدار.. وغدا يدير لينا الله تاويل الخير.. هبة: أويلي شنو تتقولي نتي.. أشمن تقدية.. تانتي إياد هو الاول.. حتى أنا تنحس بالذنب..كون مادرتش معاك نتلاقاو كون ولدك حداك دابا.. سفيان: المهم هادشي مكتاب.. وفاء شافت فالكروسة ديال ولدها اللي خاوية وقلبها تقطع.. وفاء: يله أسفيان. . باش نوجدو الفلوس.. هبة: تيبانلي مكاينش حل آخر من غير أنكم تعطيوهم مابغاو.. سفيان: يكون خير أختي ..يله أوفاء.. مشات وفاء هي وسفيان لدارهم وهبة لدارها.. المهم مللي وصلو للدار بداو تيدرسو الوضع. سفيان:دابا نفكرو بالعقل .. شكون اللي فراسو على الملاين اللي شديت..؟.
وفاء: عائلتك كلها فراسها حيت تاهوما ورثو راك عارف.. سفيان: ونتي قلتيها لشي حد؟؟؟ وفاء: ماما قلت ليها غتجيه شي بركة ولكن ماقلتش شحال وختي ماجبداش الموضوع معاها بالمرة.. سفيان: هادشي كيحير..غيكون شي حد من قريب ولا من بعيد عارف علينا كلشي وفاء: هذا أكيد شي حد بعيد..وبحث مزيااان حتى عرف شنو واقع.. سفيان: شنو غنديرو دابا؟!! وفاء: مازال تتسول!!! أكيد غنعطيوهم اللي بغاو راه ولدنا هداك.. سفيان: غنحماااق پفففففففف...شكون هاد ولد الحرام اللي دار هادشي.. وإياد ولدي ربي اللي عالم بيه..آجي بعدا 

سفيان: ولاد الحرام..المهم أنا معرفتش شنو نقوليك والله..أنا خبيت عليك واحد الحاجة.. وفاء: ش..شش..شنوو قول!!! سفيان: الصراحة الفلوس خسرتهم.. وفاء: كيفاش خسرتيهم!!! مفهمتش ياك يله شي شهرين ولا شهر ونص باش شديتيهم!!! شنو تتقول نتا!!!!!!! سفيان: سمعيني مزيااان..راه دفعتهم فواحد الأرض و بغيت نخليها ليك مفاجأة كنت غنبدا نبني فيها ڤيلا وحتى نكملها عاد نقولها ليك.. وفاء: الله ياربي ولدي مشااا الله ياربببببي ولدي مشااااااا لي.. سفيان: شتتتتتت صافي البكا والغوات مغيردوش خاصنا نفكرو فالحل.. وفاء: ماسوقيييييش أنا باغا ولدي يرجعلي.. سير تسلف ولا بيع ولا شوف شنو .. سفيان: واخا نبغي نبيع واش غتلقا الشاري دغيا..راه مشاكيل ماشي غير جي وبيع.. راه السيد اللي خديت من عندو قاللي عامين والزيادة وهو حاطها فالبيع.. وفاء: دابا شنو الحل قولي صافي نخليوهم يقتلوه..!!! سفيان: غنطلبوهم يعطيونا مهلة اكبر من هادي وصافي..وغنشوف مع عائلتي.. وفاء: اوك يكون خير.. المهم غير قالوها للعائلة عمرات الدار وولات جنازة فيها الكل يغوت ويبكي.. جات حتى هبة..وصارحاتها وفاء بالمشكلة الجديدة .. هبة: مشكلة ياختي .. مللي مكاينينش الفلوس.. وكيفاش غتقدرو تتسلفوهم ف 3 يام..!!! وفاء: غير خليها على الله ياختي..غنحماااق والله..معندنا حتى حل من غير نطلبو مهلة اكثر..منهم.. هبة: الله يصاوب ليكم أختي العالم الله كيداير إياد وهو فيدين ديك العصابة.. وفاء: كبدتي تشوات على ولدي وداري خوات فغيابو .. ياربي عطيني الصبر.. هبة: المهم فاش يتاصلو بيك طلبيهم وشرحي ليهم انك ملقيتيش الفلوس.. وفاء: داكشي اللي غندير.. المهم بقا سفيان تيدق البيبان لعله يلقى اللي يحن فيه ويسلفو .. ويله قدر يجمع 5 المليون حيت كل واحد عطاه عذر .. ومللي وصل الوقت اتاصل المجهول.. وفاء: أ..أً..ألو..ألووو.. مجهول: وجدتو الفلوس؟ وفاء: الصراحة يله قدرنا نوجدو 5 المليون حتى واحد مابغا يسلفنا..الله يرحم الواليدين لما عطيونا مهلة كتر.. مجهول: واش تضحكو معانا ولا شنو.. من هنا ل 4 يام وجدو 60 مليون فهمتو وإلا نساو أنكم عندكم ولد..طوط..طوط..طوط..طوط..طوط.. وفاء: لاااا لا عافاك متقطعش..لااااا (طاحت فالأرض وجاتها هستيريا وبقات تغوت ولدي إياد..) هزوها ودخلوها لبيتها وعيطو لواحد الفرملي ساكن حداهم .. عطاها مهدئ وخلاوها ترتاح.. واخا ماعرفوش شنو قالو ليها العصابة.. مللي فاقت دخل عندها سفيان وهبة وعاودات ليهم باللي ولات الفدية 60 مليون.. سفيان: ياربي كيغندير فهاد الوحلة.. هبة: هادو معندهمش لا ضمير لا إنسانية وفاء: اتقهرت..والله.. كل نهار تيدوز عندي بحال العام..

يتبع.......
شاركي على غوغل بلاس