زوجتي المراهقة ج2







الجزء الثاني

مشات سلمى لبيتها وقلبها محروق على ماماها و ريان لي غاياخدو منها هشام ومعرفات مادير ماعندها تا حل الا انها تهرب ولكين مقدراتش ديرها هيا جبانا بزاف على انها تهرب وتبعد على ماماها بديك الطريقة تخدل تيقت ماماها فيها ماقدراتش بدات تاتبكي تا داها نعاس فاقت على بورطببلها كايصوني كان هشام كاليها ماغانرجع لدار تا ديري حل انا غادي عند المحامي باش نبدا الجراآت ديال الطلاق الى متحركتيش ماماك غاتوصلها الاستدعاء فسيمانة بدات سلمى تاتبكي وتنوح شويا تفكرات هضرت ماماها ملي كالت ليها ماغانخليكش تخرجي من دار باك الا الى دار راجلك ماما فلحقيقااا عندي مانكوليك الله اسعنا اخبار الخير ممامااا ماما اناااا شوفي عنننداكي تجبدي ليا موضوع البرطما وتسكني بوحدك راه ولااللله ت لا اماما موضوع اخر فلحقيقة ماما انا قابلا نتزوج بولد عمي احمد تصدمات ماماها بززااف من هضرتها وكالت ليها : بنيتي واش كاتضحكي ولا كاتهضري من نيتك لا ماما انا كانهضر من نيتي 
ههههههه انا عارفة هاد المرحلة لينتي فيها ابنيتي نتي بغيتي تزوجي باش تبدلي روتين د حياتك نتي دابا متهوره و باقا صغيرة واول واحد خطبك بغيتي تزوجي بيه هههه لا ابنيتي انا مستحيل نخليك تخرجي عل راسك وعلى مستقبلك بالطيش ديالكك
ماما انا ماشي طايشا و ماشي بغيت نبدل روتين حياتي انا بغيت نتزوج
هههه راه احبيبا كاع البنات فالسن ديالك كايدوزو من ديك المرحلة ولكين واليديهم كايعقلوهوم حتى كايكبرو ماما انا ال ماتزوجتش بياسطن غانهرب معاه ولا غانقتل راسي وبدات تاتبكي بحرررررقة هنا تصدمات ماماها ....
ماما الا ماخليتينيش نتزوج بياسين غانهرب معاه ولا غانقتل راسي ......
تصدمات ماماها من داكشي لي كالت سلمى نعاااممم ؟!! اش كاتكولي اسلمى
ماما انا ياسين كانبغيه وهوا كايبغيني و مانقدرش نعيش بلا بيه اماما مانقدرش عنقاتها وبدات تاتبكيييي بحررررقة عافاك اماما ماتوقفيش فطريق سعادة ديالي اماما 
امتئى هادشي ابنتي امتى بغيتيه و مافخباري والو علاش خبيتي عليا علاقتك بيه ياك انا صاحبتك وماماك علاش خبيتي عليا سلمى بنيتي علاااش 
حيت عارفاك ماغاتقبليش ليا و انا ياسين كانبغيه بزاااف اماما عافاك اماما وافقي الله اخليك امامتي خلينا نتزوجو خلاص وحتى من القرايا راه واعدني نكل قرايتي غي وافقي سكتااات وكاتبكي تا فلخر كالت ليها
مايمكنش ليا نكون انانية ابنيتي و نفضل نخليك حدايا و نبعدك على الراجل لي كاتبغي مايمكنش ليا واخا مانقدرش نتفرق عليك ولكين نتي بيتي تمشي عند راجل وحبيبك مانقدرش نوقف فطريق سعادة اعز انسان على قلبي الله اكمل ليك بالخير ابنيتي عنقاتها بكل حب و بجوجهوم كايبكيو بحرررقة و لنفس السبب بجوجهوم غايتفارقو على بعضياتهو بزز منهوم كولا وحدة منهوم ضحات على ود لخرى
نوض ابنيتي عيطي لحبيبك كولي ليه اجي يخطبك راه انا موافقا تصدمااتتت سلمى وبقات حااالا فمها هادي هيا ليماكانتش ضاربا ليها حساب ....
كالت ليها لا اماما انا غانعيط لعمي هشام نطلبو يجي يحضر غدا و نتي عيطي لعمي حمد كولي ليه راكي موافقا لا ابنيتي غي كوليها لياسين نيشان انا ماعنديش لوجه باش نهضر معا سي الوردي من بعد ما رديتو ..

صافي واخا اماما دلات لبيتها كاتمشي وتجي تا عيات عيطات لهشام كالتها ليه باش تهنا من همو وبقات تاتفكر تا عيات لبسات و هبطات فدروج 
ماما انا غادا نقضي واحد الغاراض و انرجع دغيا اماتعطليش اسلما خاصنا نوجدو لغدا ونديرو معا الكوافورة سلمى واقفا قدام باب الشريكة ديال ياسين لي عرفات عنوانها من الانترنيت ماكانتش مخالطا دارهوم حيت كانت تاتمشي لدارهوم القديمة ليكانت فيلا حدا فيلا ديالهوم كانت بتي فيلا على قد الحال كانو تايمشيو عندهوم فاش كان باباها عايش ملي كانت سلمى صغيرة ملي مات بابها مابقاتش كاتمشي عندهوم ولكين ديما الحاج كان تايسول فيها كاتبغيه بحال باباها كايفكرها فباباها تايشبه ليه بزاف كان صاحب باها الروح بالروح سلام خويا عافاك باغا نشوف سي ياسين الوردي !
هههههههههه نعام الالا باغا دفعي لخدما وتاطلبي تشوفي سي ياسين ههههه
جاوباتو بعصبية و بتقة زائدة فالنفس لا انا ماجاياش ندفع سيفي انا جايا نشوف سي ياسين الوردي تخلع منها السيكوريتي وخا كان متأكد ان ماغاتكونش من عائلة سي ياسين الا ان تقتها فراسها خلعاتو اه واخا غادخلي نيييشان على يدك ليمن سولي
سلام اختي بيت نشوف سي ياسين لاش باغاه اختي؟!
شي حاجا شخصية بغيت نشوفو ضروري الله اخليك عندك موعد معاه؟! لا اختي انا جايا على قبل شي حاجة شخصية سمحي ليا سي ياسين مايمكنش اشوفك و ماتايقبلش بحال هاد القاآت سمحي ليا ختي عافاك اختي كولي ليه غي سلمى بنت الحاج السالمي غايكوليك دخليها الله اخليك ضروري عافا ختي الالله الله اهديك مامكنش ليا 
سلام وآم جيبي ليا كاس د القهوا و دوك ضواصا ديال الاستيراد د البارح
واخا اسي ياسين دابا دارت سلمى لقات ياسين فرحات جابو الله فوقتو ماكانت هاديك اتخليها دخل سي ياسين عافاك واحد الدقيقة !!

طلع فيها وهبط باحتقاااار شديد وكال ل سكريتيرة شكون هادي ؟ 
يالله بغات تهضر سكريتيرة هضرات سلمى انا سلمى بغيت نهضر معاك ضروري عافاك ماشافش فيها وكاليها فاش بغيتي تهضري كالت ليه موضوع مهم بزاااف 
وئآم عطيها شي موعد و شرحي ليها القواعد دخل قبل لا تهضر سلمى شدها الاشمئزاز من التصرف ديالو ختي سي ياسين ماغايشوفكش بهاد الحالة الا بيتي تهضري معاه خاصكي تلبسي محتاشم ويكون عندك موعد تصدمات سلمى من هاد الهضرة ملي ياسين ماعارفهاش اصلا و ملي خاص موضفين وناس لي فالشاركة خاصهوم البسو محتاشم علاش خطبها هيا لي ديما تاضرب المينيات مافهمات والو؟!!! دابا امتى اقدر نشوفو؟ 
من هنا ١5 يوم مع 5 اجي تشوفيه وكيف كلت ليك لبسي محتارم الى بيتي يدخلك باااقا سكرتيرة كاتهضر سلمى دخلاات لبلاصة لي شافت ياسين دخل ليها لقات سكريتيرة اخرى كالت ليها فين بيرو د ياسين ؟ 
شكون نكوليه كوليه سلمى 
شششش هضري غي بشوية راه 
علاش نهضر بشوية كلت ليك وريني بيرو ديال ياسين 
دخلات البنت لخرى كايهدنو فييها غي باش تسكت مابغاتش تجمعو الموضفين و سلمى
باقا دايرا فضيحة دخلو كولو ليه سلمى الزياني بات تشوفو الموضفين فالحقيقة مفرجين ماشي على الصداع على سلمى لي كانت لابسة كسيوة قصيييرة فالغوز و صنضالة بيضا و طالقا السالف الزعيعر و كاتهبببل 
شكوننن بسالااامة سلمى الزياني لي دارت هاد الحااالة فشريكتي و بغات تشوفني مابغيتش نغوت عليك حيت راك بنت من واجبي نتعامل معاك باحترام واخا نتي ماتعاملتيش بيه شكون نتي 
تزنك ياسين وحشم وتفضح كولشي بقا حاال فمو و مصدووووم كون لقا ياسين الارض تشق و تبلعو شوهاتو سلمى من اول نهار شافها فيه كون لقى شي ازار الوحو عليها باش تغطى و هيا نصها عريان هيا لي خطب و الموضفات فارض عليهوم الحجاب اش هاد التناقض ماكرهش اشدها من شعرها و يجفف بيها لرض كتم اعصاابو بزز رغم انه عادة شخص عصبي متسرع و يدو سابقاه 
كاليها دخلي 
دخلات تفرقات الجوقا اش بغيتي علاش جايا للشاركة ياك رفضتي تزوجي بيا اش جايا ديري هنا؟!
جايا باش نكوليك انا موافقا نتزوج بيك غير اجيو غدا لدارنا 
اسحابلك انا لعبا فيدك ملي تبغي ترفضي ملي ضور ليك فلخوى تجي تكولي لي راك قابلا انا راني ماميتش عليك باش نتزوجك كون ماشي الواليد بززك عليا و كاليا ها السخط ها الرضى كاع مانخطبك اصلا 
دابا غاتمشي من هنا بلا فضايح و راني ماباغيكش و ماغانتزوجش بيك 
تصدمات سلمى متوقعاتش هاكا دابا راها واقعا فمشكيل كبير خاصها تخرج راسها و الا حيات ماماها غاتدمر تقة ماماها فيها غاتهز معرفات ماتكول ماحساتش براسها الا وهيا طايحا فالارض و كاتبكي و تاطلبو يجي غدا يخطبها و تاتبكي بحرقة 
خويا ياسين عافاك هاد الزواج مهيم بزااااف بالنسبه ليا فحياتي مسألة حياة او موت عافاك عاوني ماتخلينيش بوحدي انا را عيييت عيييت وبدات تاتبكي وتنوووح

يتبع
شاركي على غوغل بلاس