زوجتي المراهقة الجزء3







الجزء الثالث

ماتهزات فيه شعرا و ماتحرك فيه والو تكول راها كاتغني ماشي كاتبكي بكات تا شبعات تاكلينيكس ماعطاه ليها بقات كالسا فالارض تا كملات ناضت مسحات وجها بيدياتها و هوا باقي واقف كاليها ساليتي؟!اوا خرجي عليا من هنا مابغيتش نشوف وجهك هنايا مرا اخرى سلمى ماتوقعاتش من بعد هاد المعانات كاملا من بعد ماطلباتو يعاونها من بعد مادلات راسها تكون هادي هيا ردة الفعل ديالو هادا قلبو من حجر هادا ماشي طبيعي 
تمنات لو دفلات عليه لو خرجات و غبرات من حياتو نهائيا ولكن هوا املها الوحيد 
كالت ليه  انا فعلا غانمشي بلحق ماشي اخر مرة تشوفني انا غانمشي عند عمي و نقولو راني موافقة على هاد الزواج ماغانكولش ليه هادشي ليطرا حفاضا على مشاعر عمي باش مايتصدمش فيك ولا عرفتي شنو ماغانمشيش عندو غانخليك نتا تاخد القرار و تكولها ليه و غدا بغيت عمي احمد اعيط لماما باش تجيو تخطبوني والا هادشي كاملو غانعاودو لعمي بالتفصيل و غاتجي تخطبني بلحق عمي ليغايجيبك بزز منك المهيم انا نصحتك تكولها ليه بلا مانكولها انا ...خرجات و ضربات الباب بالجهههد ياسين ماكرهش يشدها ويعصيها مزيااان ولكن ماعندو مايدير غير انو يدير داكشي لي كالت ليه حيت فعلا الا هادشي لي دار غايقفرها معاه مشالدار الواليد عافاك الى مارجع فهضرتك فموضوع بنت الزياني راه مانقدرش نتزوج مابغيتهاش شتي سلمى هيا لي غاتكون مرتك مغانتهنا عليها الامعاك ملي رفضاتك انا غانمشي نهضر معاها شخصيا راجل مها عارفو ماكايسواش ومعيشها الويل وهيا ماكاتهضرش مايمكنش نموت ونخليها بين اديه اش غانكول للمرحوم الى شفتو ابابا ماتكولش هاكاك الله اطول عمرك غي تهنا لبنت وافقات جات عندي للشاركة وكالت ليا راها موفقا وطلباتني نكوليك تعيط لماماها ونمشيو غدا نخطبوها الله افرحك اوليدي كيما فرحتيني ناضت مو كاتزغرت الحاج ديك ساعا عيط لمدام سميرة دخلات سلمى لبيتها بكات تا تقاداو الدموع من عينيها حسات براسها غادا لقبر كفس من هادا لي هيا فيه ولكين فضلات تضحي على قبل ماماها وخوها ناضت دوشت ونعسات في انتضار يوم جديد غايكون كولوعداب 
نوضي سلومتييي فيقيي اليوما يجوك الخطاب بنيتي حبيبتي كبرات ولات كاتبغي ياسييين كاتهرها ماماها وكاتفيق فيها نوضي باراكا من تبوحيط خاصكي تمشي لصالون وتوجدي راسك يالله 
ناضت سلمى مشات لصالون رجعات عطاتها ماماها قفطان غزاااال فالحمر جات سلمى كاتحمممق ماباينش فيها الحزن و الاسى تاتبان عروسة ديال بصاح

دخلو مشات سلمى كاتجري عنقات عمها احمد لي توحشاتو ولي ديما كاتشم فيه ريحت باباها مكانتش مرزنة بحال كاع العروسات كي دخل تلاحت عليه كاتعنق فيه وتاتكوليه توحشتك اعمي مشات عند الحاجة نفس الشئ دارتو معاها حيت هاد الناس سلمى كاتبغيهوم بزااف ولكن ياسين ماكاتعرفوش اصلا ملي كانت عندها ١١ عام ماشافتو طلب الحاج العرس يكون سيمانا الجاية رفضات سميرة من طبيعت الحال و لكن قتانعات من بعد حيت سلمى خاصها تستاقر قبل الامتحانات د الباك 
دازت سيمانا دغيا فالتوجاد دارو عرس مشات سلمى بالبكا كاتعنق فماماها و مقدراتش تفارق عليها و هشام فرحاااان اخييرا غايتهنا من سلمى مشات سلمى مع عائلة ياسين دخلو للفيلا طلعو لبيتهوم اشنو بيتيني ندير فيك دابا؟ صافي درتي داكشي لي بغيتي تزوجتي بياسين الوردي باش تباني قدام صحاباتك نتي كاتبرهشي و انا خرجتي عليا ولكين الا ماندمتك مانتسماااش انا ياسين عولي تعيشي اكككفس ايام حياتك فهاد البيت 
نتا مافاهم والو انا طلبتك تساعدني و نتا قلبك بحال لحجر ماكان عندي تا حل غير هادا بكيت عليك و ماحسيتش بيا شوفى دوك الافلام الهندية ديال المراهقين ديريهوم على شي حد آخر ماشي انا دخلات سلمى بدلات وماكالت تا كلما زيادة خرجات لابسا شورط و ديباردور وجامعا شعرها هادشي ليموالفا تلبس فدارهوم بيجاماتها كامين عبارة عن شورطات شاف فيها ياسين و كاليها ياك مايسحابليك نتي عروسة د بصاح سيري ستري راسك تجرحات سلمى فكرامتها وكالت ليه راه انت لي مريض انا لابسا حوايجي ماعرياناش هادشي ليكانلبس فدارنا سيري بدلي عليا ديك الحالة ولبسي حاجا مستورة اولا ماشي سوقك تانيا هادشي لي عندي لاح ليها كاشا بكل احتقار و كاليها نعسي فالارض تصدمات سلمى هادا ماشي غي حجر هادا  مافيه حس الانسانية ولا الرجولة ايخلي بنت تنعس فالارض وهو فوق الناموسية شدوها الاعصاب و الغيض و ناضت نعسات فوق الناموسية خرج ياسين من الدوش تصدم فاش لقاها نعسات فناموسيتو و خلات الكاشا مليوحة فالارض مشا جر عليها الغطا بالجهد نوضي تكعدي من بلاصتي بلاصتك راهياك فالارض شافت فيه بنص عين ورجعات كملات نعاسها بحالا ماهضرش تحدر هزها و لاحها فالارض ناضت بحالا ماطرا والو ورجعات لناموسية تعقب ياسين من البرود ديالها و طلع ليه الدم ديال بصاح و شدها من شعرها واش ماغاتنوضيش من بلاصتي شافت فيه ههههه نتا ماشي غي قلبك حجر نتا ماشي راجل كاضرب مرا اشمن مرا بنت صغيرا و باغي تنعسها فالارض لا ماعندي مانكول و رجعات نعسات ولا طاحت ليها دمعة ولا تحركات فيها شعرا ياسين بغا ياكل جنااابو كال اوووف و خرج من البيت.... مشا لصالون كلس تا برد ورجع ليها وكلو شر باغي يقتلها ولقاها ناعسا فالارض بحال الملاك و وسادتها عامرا دموع ناااعسة و هوا كايتشوا صراحا بقات فيه بزاف بقا كايتمعن النضر فيها تحدر بقا كايشووووف فيها كان جاي كلو غضب وسخط عليها كان جاي معول على خزيت ولكين شافها ناعسا بحال الملاك والدموع فعينيها و فوسادتها و شعرها فازك بالدموع بقى كايتعجب ملي كنت هنا ماطاحت ليها تا دمعة تاخرجت عاد بكات بقات فيه بزاااف ااش مخبيا ليا يا سلمى علاش ابابا درتي لي هاكا طلع نعس فناموسية 
فصباح فاقت سلمى بشوييه مافيقاتوش نزلات سلمات على الحاجة و الحاج كلسات حدا الحاج كايضحكو تا وجد الفطور كلسو كايفطرو وكايضحكو و الفرحة البريئه فعينين سلمى
حسات براسها معا عائلتها حسات بالاماان معاهوم حسات براسها مرغوب فيها ماشي عالة على حد تانزل ياسين كلس فطر كاليها طلعي سلمى بغيتك كالت ليه مامسالياش مجمعا معا بابا و ماما كالت ليها الحاجة لا ابنيتي غي نوضي شوفي راجلك اش باغيك طلعات كاليها بقاي تلبسي حوايجك راه كلتها ليك البارح و خليتك بديك البيجاما حيت راك فبيتك مع راجلك ماشي موشكيل ولكين تهبطي بديك الحالا قدام بابا وماما مانسمحش ليك اااخر مرة خلاتو حتا سالا هضرتو ضارت طار شعرها الزعر الطويييل المموج فالسما وضرب ياسين فوجهو تحرك حرك ياسين وجهو بحالا ترش بالما اول مرا احس بلي راهاه انتى ماشي برهوشة ياسين باقي حال فمو فداك الزين وديك الريحة وديك لا طاي و داك الشعر بيما سلمى خرجات باقا ماسداتش الباب فاق ياسين وتبعها جبدها من دراعها للبيت قبل لا تخرج ومن قوت ماهوا معصب وتوتر و مخلطين عليه المشاعير ديك جرا لي دار ليها عوجا ههه جات سلمى نيشان و جهها تضرب معا سدرو و هوا باقي شاد فدراعها وكايشوف فيها دفعاتو وبغات تخرج تاني ولكين هوا ماطلقش دراعها كلت ليك ماتخرجيش بهاد الحالة لبسي شي حاجة ماشي سوقك نلبس لي بغيت لا سوقي نتي مرتي قدام بابا و بهاد الحالة كاتشوهيني شوفي مابغيتش نعاود نفس الهضرة هاد الحالة ماغاتخرجيش بيها من هاد البيت ملي تلبسي حوايجك عيطي ليا راه نمرتي كتبتها ليك خرج وسد عليها الباب بالساروت بقات كاتشوا وكاتقلا بالاعصاب تا عيات لبسات دجين و بودي داكشي لي لقات مستور عندها وعيطات ليه طلع حل ليها الباب نزلات وسلمات معا الحاج و الحاجة و كالت ليهوم بلي راها غادا ليسي هضر ياسين قدامهوم ماغادا تالبلاصة بديك الحالة لبسي فولار وشي حاجة محتارمة

يتبع.....
شاركي على غوغل بلاس