متشردين في مواجهة القدر (الجزء الاول)







هاد العالم لقذر ما فيه غا الالم المعاناه اليتم الجوع العطش القهره العري لا رحمه و لا شفقه.كل شي هادشي لي ذكرت كنعاني منو لحد الان انا لكبير زعيم سميتي كبر مني حيت انا يالاه فعمري 15 عام او رفيق دربي سيمو لي مزال طفل محتاج للعطف او لحنان او لي يالاه عندو 12 عام حنا بزوج ضحايا جمعنا مكان واحد لي هو الشارع ..حنا من اطفال الشوارع او بالاحرى متشردين او كيف كيعتبرنا المجتمع قمامه المجتمع كلاب ضاله و مجرمين مع العلم اننا مجرد مساكين تسرقت منهم طفولتهم او حتى مستقبلهم ..
الارض هي فراشنا والسما هي غطانا معندناش ماوى لي نتحماو فيه او نتخباو فيه من شتا او لبرد او حراره و الشمس . كوزينتنا هي لبركاصه دزبل هادا ايلا فيها مايدار ويلا لقينا خبيزه كارمه او غامله فهاداك هوا نهار لكبير عندنا لي لقيناها ناكلووها لمهم نسدو الجوع .حنا ماشي كيف تيحسبونا ناس مجرمين ولكن المجتمع هو المجرم وليدينا هما لمجرمين علاش ولدونا او فالاخير رماونا لشارع انا بعدا منسمح لواليد لي رماني على قبل مراتو بحال ايلا كان يتسنى لواليده مسكينه تموت انا مزال نعقل كانت حنينه عليا او مهليا فيا كانت تديني او تجيبني لمدرسه ولكن منين توالاها داك لمرض لخبيث داها عليا او خلاني مع لواليد لي مكملات حتا 3 ايام على موتها او جاب لي تبلاصيها حقا ماحقا  هو راجل او خاص لي تقابلو او تقبلني ساعه قابلتني مزيان او سيفطاتني فاول فرصه لشارع .. اما سيمو مسكين فماعرف كاع  طواصلو منين واخا رباوه شي ناس ولكن هوا صافي مشا على لعيشه دزنقه ولد لهم ولف تمرميد :/ ...
انا وسيمو كنضلو فزنقة اه الزنقة لموكلانا ومخليانا كل يوم نعيشو مغامرة وكل يوم مخاطرة غير باش نباتو مهنيين ومزيانين ونحاربو من اجل طرف خبز كما قلت سميتي زعيم حيت كنت كنزعم على اي حاجة مهم نكونو انا وسيمو مزيانين فحقيقة سيمو ولد صغير وكايبقا فيا ولكن حتى هو زعام لي قلتها ليه اديرها شحال من واحد مرمدنا وشحال من واحد زطم فينا وداز قليل الي اشوف فيك شوفة رحمة اما اغلبية حكارة شحال من موقف عشناه غانعاود ليكوم على قصتنا كاملة 
زعيم: سيمو نوض نوض .......
سيمو:تا خلينا مزال الحال
زعيم:نوض راه سطافيط كاضور 
سيمو:واش بغاو منا حنا 
زعيم: ونوض خلينا نمشيو ندبرو على ما نحنسرو باقيلك شي لعاقة
سيمو :ومنين اصاحبي راه والو 
زعيم: اواه ويلاه نوض باقي شي حبات ماركيز نقلبو على عشاق دخان فالصباح ههه
سيمو :وييه ويلاه زير سمطة معايا ههههه
نوضنا وبدينا ندوزو على طومبيلات وحتى بعنا وجمعنا شي براكة ومشينا عند با مكي نفطرو هدي حالتنا كل يوم نجبدو ريال من. فم سبع هههه
زعيم : سيمو شبعتي ؟
سيمو : واه اعشيري بلا بيك كون راني مت شحال هادي بجوع لا خطيتيني نتا ضربني لخلا
زعيم : خلينا من هاد تخربيق دابا ياك ديما تنكول ليك قصح قلبك حنا خوت صافي 
سيمو : واخا الخوادري دابا شنو غنديرو لفلوس لي صورنا هاد صباح خسرناهوم على كروشنا
زعيم : واهنتا دابا وليتي تهضر فلميفيد .. ليوم خصنا نضبرو على شي همزه صحيحه باش نشريو سلعه(ماركيز)
سيمو: او كيفاش اعشيري !!
زعيم : بان لي لبلان فواحد دار اصاط
سيمو : زعمه نشفروها
زعيم : لا نسيقوها اماك اعشيري كون ما شفتك دابا سحقتي لفطور كون كلت مدوخك جوع
سيمو : واصافي اصاحبي بلا متبقى تفهم عليا .. او كولي كينديرو لهاد لبلان ديالك...
زعيم: سمع دار راها مسكونة
سيمو:وقف وقف مسكونة وباغي دخلها
زعيم:ومسكونة ببنادم كحل الراس اوجه لويل 
سيمو:ومسكونة بغيتي تسفطنا لحبس
زعيم :وغي سمع دار ساكنينها جوج يلاه مزوجين كايخرجو كل صباح دار لي حدا حانوت سوسي 
سيمو:اه هداك لواخد ديك قوقة ديك زين هههه
زعيم: وراك حاضر اه معليكش هههه
سيمو : اجي والقضية مضمونة 
زعيم :لا كنت فرفارة دغيا تصدق المبوق سيمو:ويلاه راه صباح هذا
زعيم اه غانمشيو.ولكن لي قلتها سمع كلامي وطبق
سيمو : وصافي مديرش عليا شاف راه مكنحملهومش ههه
ومشينا قاصدين دار وصلنا ولكن لقينا ناس مزال مخرجو بقينا نتسناو شوية وهما يبانو لينا خارجين وضحكهوم مسموع
زعيم:سيمو تجمع راه خارجين .
سيمو : نري منين كانشوف ديك ساطة كانتسوطا هههه
زعيم: واش باغي تفرشنا ميك شتي داك سرجم صغير للمحلول
سيمو : اه شفتو
زعيم : نتا مع صغير او داير كيف لمش ادخل منو او اتحل ليا لباب من داخل واش فهمتي
سيمو : اااه ولكين ايلا طحت
زعيم : و بلاما تبقا تصعر فيا دابا
سيمو : صافي صافي غا تكلاما انا غادي 
زعيم : يالاه زيد نهزك 1-2-3
سيمو:( دخل من سرجم ) واي واي على دار و سوطاتني كي مولاتها 
زعيم : (تيدق فالباب) ولمرض و *** حل لباب
سيمو:(وعى مع راسو) واهاني جاي ازمر صافي .(حل سيمو لباب لزعيم)
زعيم : واي واي وا تكول قصر اعشيري
سيمو : وا دار قرطاسه او فيها ما يدار العود منين انبداو ؟
زعيم : انا اندخل لبيت نعاس او نتا لي بانت ليك فضه و لا نحاس طاير مها ولي معندنا بيه نفع وايك تقل علينا او بيه او بلا منوصيك على تليليجه 
سيمو : والي العشير بلا متحتاج توصيني
زعيم: يالاه تحرك ربع ساعه نلقك فليتي ليا دار يالاه تحرك
سيمو : هي لولا اشاف
زعيم :(دخل لبيت نعاس اول ما دار تلاح فوق ناموسيه )
يا ** نتوما لي عايشين..فرافاهيه او حنا كالسين تنموتو غا بلبرد مالاقين حتا علاياش نعسو منغير نفرشو لكرتون او نتوسدو لحجر تفوو على دنيا كي دايره شي عاطياه او شي زاوياه .. (ناض زعيم تيبقش فالماريو او لمجور حتا طاح على واحد صندوق)
زعيم : وا نتا لي راني ساير نقلب عليه . (حل صندوق) واي واي ذهب ذهب اليوووم نزردو يماها او نشريو سلعه او يشيط لخير (هز زعيم صندوق )
سيمو وا سيمو !!
سيمو : واهانا فلكوزينه 
زعيم : (مني شافو تصدم لقاه ضارب 6 دلحكاك ديال دانون او تياكل فلفرماج ) واش اصاحبي حنا جاين نسرقو ولا نعلفو
سيمو : وارك اعارف اعشيري لخلعه كتجيب ليا جوع
زعيم : (بقا تيشوف فيه بنظرت حزن ) وا يالاه طلقنا ازمر اجي جمعتي شي حاجه ولا غا عاطيها لسريط ؟
سيمو : وايلي اعشيري لعب هذا راني جمعت داكشي لي وصيتيني عليه
زعيم : سمع تجمع معايا يلاه تعطلنا خصنا نخرجو من باب لوراني 
سيمو: اه اه يلاه قبل من نصدقو في فضيحة 
زعيم:شد صندوق وتبعني 
فعلا مشينا من باب لوراني وخرجنا وضربناها بجرية تالغابة تما كلسنا وبدينا نغسلو عينينا فالدمالج
سيمو:وبقات فيا ديك ساطة خليناها مكشطة ههه
زعيم: بقات فيك راه كيلي ميني محسبكش واش راك عايش دوز عليك فشارع تبزق مهم خصنا نبيعو هذا شي 
سيمو:اه نديوه للحميدة معاه كانتعاملو راه لوخرين والله لا طلقونا 
زعيم : اه ولكن داك مسموم حاك وديما كايحشيها لينابنص تمان
ولكن معلش مشينا باش نبيعو الذهب وقصدنا حميدة دهايبي
حميده(ذهايبي): زعيم عندي عاش من شافك هي شي هميزه هادي ؟
زعيم : وارك اعارف اساط لماكنتش شي هزمه اتلقاني واقف فبابك !
حميده : ايوا يالاه ورينا اش عندك
زعيم :(حل صندوق لحميده ) ها لهميزه وا كي جاتك ؟!
حميده:( غا شاف ذهب طلعات معاه سخونيه او عينيه تحلو) وا وا منين دبرتي على هادشي اوجه لويل
زعيم : ونتا سوقك دير خدمتك او سربيني 
حميدة: ايو تسنى نشوفو هاد شي واش حر ماشي مزور !
زعيم : و طلقنا ولا شتي شغنقول ليك تهالا نتا ما بغيش تخدم
حميده : و صافي * ارا نتاكد .. (بدا حميده تيقلب فدمالج او تيشوف واش فيهوم طابع ) هز حميده راسو فزعيم
زعيم : اش كين ؟
حميده : اش غنقول ليك هذا ماشي ذهب حر ولكين على وجه لعشره انشريه من عندك.
زعيم : كاع هادي سخاوه فيك اتشري من عندي ذهب ماشي حر عنداك يحسابليك انا مومو تنرضع فصباعي اشوف اسي ارا لي داكشي لهنا انا لي مريض جاي لعندك
حميدة : اتسنا ا صاحبي فين غادي مابقا حد يتمازح معاك 
زعيم : انا ما جايش باش نتمازح معاك انا جاي نتبايع او نتشاري باغي هوا هداك ما بغيش الله يهنيك عطا الله لي يشري مني
حميدة : واصافي ازمر
قولي شحال طالب فيهاد سلعه ؟
زعيم : 700 درهم
حميده : شناهوا 700درهم حماقيتي
زعيم : الله يهنيك
حميده : 600 منزيدكش علياه
زعيم شاف فسيمو لي عطاه لوافقه 
زعيم : حتا هيا مزيانه ايو طلع
حميده : هاك او خرج عليا حتا تجيب شي همزه وحده خرا
سيمو : زعيم عشيري و هاد نهار نهارنا نشريو سليعه او يشيط لخير هههه
زعيم : تا مالك اصاحبي بحال ايلا صورنا 100 مليون افرمشة لعين تودع.
سيمو : زيد زيد ما يفرح معاك حد تحرك نمشيو نجيبو سلعه قبل لا يطيح ظلام او نبقاو حاصلين هنايا
زعيم : منعرف منين تينزل عليك داك ذكاء كتولي تفهم غا منين تيقولها ليك لقران دمخك
(مشاو لعشران بزوج يشريو سلعه او فعلا تقداو او جاين فرحانين بواحد 300 درهم ياش ايتبرعو ماكله ولكن فرحتهم كاع مغتكمل حيت تلقات ليهوم واحد لعصابه اه عصابه او ما اخطر عصابات شوارع ما فقلبهوم لا رحمه و لا شفقه حيت عارفين ريوسهم ايلا قتلو ولا تقتلو عادي حيت معندهم ما يخسرو) 
فرد من لعصابه : لبعالك عندنا فمنطقتنا اش هاد لمفاجئة
زعيم : (وا نهار هادا حصله واشمن حصله مع هاد عصابة زمر) اوالو امعلم غا تقدينا شي سليعه راك عارف لحركه عيانه او سطافيطات لبوليس غا كدور او راك زعمه ولد لحرفه او عارف لي كاين.
فرد. م .ع: ايه ايه ولكن راك عارف لقاوانين ابنادم يا ايما تخلص يا ايما تخرج من هنا بلا راس 
سيمو:شناهوا حنا كاع ما خيفين منكم او زيدون ما عندنا ما نعطيوكم كاع لي صورنا شرينا بيه سلعه باش نروجوو
ف.م.ع : او مالك كتنقز عليا هنا كي لقرد 
سيمو : شناهوا .. او ناضت رايكاته بيناتهم 
ناض دباز ولكن بحكم انا عصابة كانو كبار وبزاف ضربو دراري فواحد لحضة ضربو سيمو لكرشو طاح وناض زعيم.بشاجاعتو ضرب.واحد من عصابة اراس بحجرة مما ادى لكل تجمع عليه وبداو كايدربوه حتى وعكوه فرجليه داوليهوم الديطاي لي شراو وشي فلوس كانت عند زعيم.
بقا زعيم كيتالم وجا. سيمو عاونو اوقف ولكن مقدش بقا كايغوت برجليه. حاول سيمو اساعدو كتر حتى وقف ومشى غي كيعرج
زعيم. اح اييييييي رجلي رجلي 
سيمو . صبر صبر نمشبو لشي طبيب
زعيم. نتا حمق ولا مل بوك اي اي اي ..
سيمو. وراه رجليك فخطر تقدر تكون مهرسا
زعيم. واش سحابليك طبيب اجي وسيرليه نتا مسطي.
سيمو. ويلاه نمشيو براكة ياك ما كاتخاف من شوكة هه زعيم. والفلوس لفلوس داوها دوك ولاد الحراام** سيمو. بلاتي بلاتي (هبط سيمو لتقاشر وهو بجبد 100 درهم) زعيم. اواه كدرتي ليها يا مسخوط ولدين سيمو. منين كانو كايضربوك طاحت وانا نهزها خشيتها فتقاشر ههه.
زعيم . عفريت نتا 
سيمو. هاك شم شم ريحتها كتحمق 
زعيم. ارا نشوف (قرب ورقة.نيفو ) اخ اخ فيها ريحا درجليك يا لمسخ
سبمو.هههههه ومهم 100 ده معطر بتقاشر ههههه زعيم . هههههه اي اي اي نسيتنسي رجلي الكلوشار 
سيمو: يلاه راه كاين طبيب هنا مور الدورة خدامة فيه واحد ساطة قوقة برقوقة زعيم. اواه ايييي فينما كانت شي وحدة راك حاضيها سيمو .وغي يلاه والله وتشوفها تا دوخ هههه
زعيم : و زعمتي البعلوك ولله او كون ما كانت رجلي معطوبه ياتا نعطي لبوك واحد سلخه او نوريك ندوخ .
سيمو: صافي ها هوا ساكت 
زعيم : اتخاف متحشم الله ينعل شيطان
(دخل سيمو زعيم لصبيطار او حتا واحد ما حشاها ليهوم حيتاش حالتهم حاله او مسخين او حوايجهم مقطعين حتا واحد ما عبرهم حيت هما فقراء .. انا لي مبغاتش تفهم ليا هوا علاش تيديرو لفرق بين ناس ياك كلنا ولاد 9 شهر اولا لفقير معندو حق فهاد لبلاد السعيده تيسبقو ولد فلان او ولد فرتلان او لفاقير ههههه معندو حق).
سيمو تيشوف صاحبو معطوب او تيتالم فصمت او حتى واحد ما تسوق ليهوم .. او هوا يبدا يهلل عليهوم و اعباد الله و صاحبي كيموت (زاد فهادي ياكو) او حتا واحد ما بغا يهضر معانا او جبد واحد لموس (بهدف تخويفهم يعالجو عشيرو) .. والله او ميداويه شي واحد يا تا نحنك لطاسيلتكم نتوما ما تتمشيو غا بلعين لحمرة يلاه اجيو داويوه زيدوو.
سمعت واحد طبيبه صداع او هي تخرج (لقرطاسه لقوقه) اش واقع هنا اش كين اسيدي مالك تتغوت ياك لاباس سيبه هادي .
سيمو:(تزعزع او داخ منين شاف زين زعر او لعينين لخوضر او بدا يتفتف) ءا ءا وا وا والوو ررا رر..
طبيبه : دوي مالك تا تفتف عليا هضر
اما واحد زعيم تحلو ليه لعينين بقا حال فمو فيها حتى بداو ريكو يسيلوو
سيمو :(اخير ستجمع قواه او هضر) و و جتى واحد ما بغا يديها فعشيري لي هضرنا معاه متيعطينا وقت 
طبيبه :(سكتت حيت عارفه من من كاينه لافووت) يالا جيبو او تبعني 
سيمو دار يشوف فزعيم لقاه حال فمو فيها 
وا زعيم وا رجوع لله اصحيبي ياك كلت ليك تدوخ
زعيم : هي غا تدوخ او صافي وا مكلتي قرطاسه يا حتى قرطاسه
دكتورة. سكتونا وزيدو قدامي ادوك جوج
مشينا ودخلنا وطلبات مني نتمد على الكرسي 
دكتورة وريني رجلك 
وناري انا عيني مهبطوش من عينيها كتحمق قلبي بدا كايضرب 
دكتورة. طوي رجلك
دكتورة.ايهههه وفين مغيب طوي رجليك 
زعيم. أااااه ها هو 
بدات كتقلبلي رجلي وانا كنغوت بشدة اﻷلم
دكتورة. امممم وقيلة عندك تهريسة اشوقع لرجليك
سيمو. وقصة طويلة الاستاذة
انا مكنجاوبش ايديها شحال روطب وحنينة كتحمق حمقا هههه
دكتورة. خصك فحص باﻷشعة 
بقينا كانشوفو فبعضياتنا انا وسيمو 
سيمو. ولكن الاستاذة راه الله غالب الحبة والو محنسرين
دكتورة.شهاذ اللغة الحبة ؟!!
زعيم. بغا اقول لفلوس راه معندناش ا ا ا ا دكتورة
دكتورة. ههههه وعلا انا عارفكوم عندكوم فلوس هه
كوني هانيين غانتكلف ولكن خصكموم تبقاو هنا على منتكلف ليكوم بالقضية حيت بتو لي ضريفين ولكن بشرط
زعيم. (بسرعة) تما هو
دكتورة. ههه بسم الله عليك هه مم بغيتكوم تعاودولي قصتكم
سيمو. بف بف نعاودوليك غي فيكينا من هذا الحصلة رجليه عوجة تقول كياكل نخالة هههه
زعيم. راه لا وقفت غنشد داك بنج نشربوليك 
دكتورة .هههههه صافي صافي باينة نتوما عزازين على بعضياتكم مهم بقاو هنا انا راجعة خرجات دكتورة.
سيمو. زعيم شتي القمر كيمضوي هه
زعيم.وييه قوقة وضحكة ديالها كتسحر وتسطي
سيمو. هاي هاي اجي شتك محيدتيش عينك من عينيها 
زعيم. (كيتنههذ) اه عينيها بحر ولكن بانتلي فيهوم شي قصة وشمن قصة 
سيمو.ويلي كفاش قصة كاتبيلا فعينيها اواه !؟
زعيم.هههه اييييي رجلي سكت سكت نتا مكلخ نتا كتفهم غافماركيز وشمان مكات هههه
سيمو. والله الا فكرتيني عندها فورمة دالقرعة دسيليسيون قاوقاوة ههههه
زعيم. ههه شت شتشت هاهي جاية

يتبع......

شاركي على غوغل بلاس