أنا وضرتي الجزء الخامس









الجزء الخامس ماقبل الأخير

عاودات ليها ماما كلشي والسيدة بقات تخاصمني على سكاتي خالتي:محمد فراسو؟؟لااخالتي وماخصوش يعرف راه مايعقلش على هدى وحتى عليا  عفاك خلي الكلام بينناتنا انا خليتها لله ماعندي مانديرلها..خالتي:سمحيليا ابنتي انا السباب قلت بلا مانجيب البراني نجيب بنت ختي صدقات كتسحرلكوم ..صافي قلبو الهضرة قدرالله وماشاء فعل..بقا فيها الحال مسكينة وكطلب مني السماحة وتعاود كتبكي هي وامي وانا ماقدرتش نبكي مرضت مابقاش يخرج ليا البكا من كثرة مابكيت وتعدبت ففترة قصيرة تقلبات حياتي تاصل بيا محمد علمني بلي شي ضياف فالدار وصلت امي وانا نرجع لقيت مريم بنت عمي وولدها انس وختي لمياء وبنتها اميمة جاو بعد غياب طويل ماشفتهم من قبل مانتخطب ماجاوش لعرسي حيت كانو نافساات ماقدرو يجيو من فاس لكازا مزوجات بجوج خوت هه فرحت بهم وتوحشتهم بزاااف كبرو وزيانو محمد بقا كيلعب مع الصغار وكان فرحان بهم ..ووجدت العشاء وعيطت على هدى تجي تاكل غيرجات شافتها مريم.. مريم:هدى شنو كديري هنا ..هدى صفارت وتبدل فيها اللون ..هدى:هادي نتي امريم راه داري هادي نتي اللي شنو كديري هنا سلمات عليهم وانا كالعادة ماوصلاتنيش باينة ماعاجبهاش الحال بقينا مجمعين حتى تعشينا وسالينا الشغال هي تعيطلي مريم قالتلي واش هادي هيا ضرتك؟؟اه هيا علاش مريم:اهياناري مالقيتو غير هاد******تزوجها لراجلك ..لاراه هيا ماشي هوكاك وزيدون راها بنت خالتو..مريم:وسيري تموتي راك ماسايقة للذنيا خبار راه هادي واحد اللفعة ومها سحارة كحالت فيك معامن طحتي غتعمرك سحور..اه السحور حصلتهم عليها مي حاجة اخرى ماكنظن راه كتخرج مع امها وننتي فين كتعرفيها؟؟مريم:راها قرات معايا كانت عطايها غير للسكير والكارو والقصاير مع صحاباتها يامات الحي الجامعي ديما بايتة على براا حتى طردوها مريم كتعاود وناا كنتعجب هادشي غير اللي شافتو وماخفي كان اعظم  هاد خيتي كل مرة تبان عليها شي حاجة ومريم ماتقدرش تكدب عليا حيت حنا صحابات وماكنخبيو والو على بعضياتنا...بقاو عندي شي ايام دوزنا ضحك وتعاويد ومحمد ديما كيساري انس واميمة وكيجيب لهم العاب تعلق بهم بزااف بعدا خرجوه من ديك الحالة الي كان فيها  واحد الصباح ناض انس دخل عند هدى وبقا كيجر لها الغطا باش تفيق ناضت هيا صرفقاتو ودفعاتو حتى طاح غير شافت مريم ولدها فديك الحالة وكيبكي مشات لها ومع الاخرى ماكتسكتش وغير كتقلب معامن ناضت الحيحة فالدار والغواات انا ولمياء كنهدنو فيهم والو مابغاو ينقصو الصداع غير عايرات هدى مريم هيا ترد لها الاخرى الصرف وجبدات  لها السفي الموسخ ديالها انا تعصبت شوهوني مع الجيران وطلع لي الطونسيو ...كنفك فهم حتى مابقيت عاقلة على راسي سخفت.....البنات كيرشوني بالماء فقت ماقدراش نتحرك محمد كيسول كانقولو والو غير كنت مضغوطة فالخدمة طلبات مني مريم السماحة  قلتلها نتي لي تسمحيلي جيتي ترتاحي صدقتي ديتي اللي مايتنسا ...مرضت فصحتي ومابقات عندي كانة للخدمة وكلشي طالع ليا فالراس شي مرات كنفكر نهرب بلا رجعه مي منقدرش نخليه هو حياتي وعلى ودو غانصبر لهدى كلشي تبدل محمد ولا كيتحجج بالخدمة باش ميحضر للمشاكل كيمشي بكري فالصباح وكيرجع معطل بالليل مابقاش كايشاركني ههمومو 4اشهر وهدى مازالة كترد الدم ملي لقاها محمد جرها بزز منها للطبيب ومابغاتش مي ماخلاها تبعتهم ومشينا حلفات لادخلات عند داك الطبيب مي محمد معصب ماحزرهاش دارت التحالييل وبقينا كنتسناو النتيجة دخلنا عند الطبيب يورينا شنو كاين..محمد:واش الجنين بخير؟؟الطبيب:انا جنين.؟قاللو محمد راه مراتي حاملة ف5اشهر دابا الطبيب:لاراك غالط مراتك ماحملاش محمد كفاش زعما راني متاكد حاملة ..الطبيب شوف اسيدي مراتك ماتقدرش تحمل حيت راها دارت اجهاض عام هادا وتسبب ليها فنزيف اللي حبسناه باستاصال واحد القرن  يعني انها مستحيل تحمل..محمد:كفاش حنا مازال مافات على زواجنا عام راك غالط ادكتور..الطبيب:اسيدي راه السيدة متبعا عندي مايمكنش نغلط تسنا نوريك الملف ديالها خرجنا نتسناو التحاليل حتى واحد فينا مادوا ماتكلم محمد دمو كيغلي وانا غير كنشوف فيه مافهمنا والو شديت لمحمد يديه شاف فيا مزيان هو يحدر راسو شي نصف ساعة وحنا كنتسناو فصمت .....بزااف الاحدات والافكار كيدورو فبالي واسئلة لكن احسن حاجة فهاد الحالة السكات هدى مازال فالبياس كترتاح كون بانت لو فديك الساعه غادي يقتلها.....دخلنا عاود عند الطبيب قرالينا التحالييل واكد لينا على الاجهاض ملي سولتو ودابا مالها كترد الدم لقينا عندها التهاب رئوي بسبب التدخين والادمان على الكحول وبلي الاجهاض قبل ماتزوج هادا مازاد ازم الوضع وهنا تفكرت كلام مريم وتاكدت منو خرجنا وحنا فحالة مايعلمها غير ربي هدى ماهمها والو ..تاصل بخالتو وزاد وخلانا رجعنا انا وياها للدار لقينا ماما وخالتي وشيخي ونساب محمد وولدهم حت حد مافاهم والو غير دخل محمد للصلون كلشي ساكت كيتسنا يعرف سبب الاجتماع قالهم هاد الموسخة مانعاودش نشوفها عندي فالدار  مامات هدى:علاش شنو دارت بنتي مانسمح لك تقول عليها الموسخة محمد:سولوها وتعرفو..هي حدرات راسها عرفات راسها تفرشات وعاود لهم محمد كلشي والناس تصدمو باها تبرا منها ومها كتحزر وتعاود بغات محمد يستر بنتها ويبقا معاها قالها صافي اخالتي ماعندي ماندير بنتك ماخلاتني مازال نقدر نهز راسي تفلات عليا وكتكدب بالعلالي وهادشي ماكافيهاش...جمعات حوايجها وخرجات مع مها وانا غير كنراقب مااقدرت ننطق بحتى كلمة بقينا غير حنا ناضت امي قاالت لنا بسلامة خليتكم على خير ,هو ينطق محمد قالها تسناي اخالتي ادي معاك بنتك حتى هيا مابقا عندها مدير حت هيا هنا  تصرفقت بكلامو حاولت نستوعبو ووالو...خالتي وشيخي كيطلبو ويعاودو السيد بقا على كلامو ,مشيت هزيت ساكي ولحت ليه سوارتو وقلت لامي زيدي حتى انا عندي النفس,,واخا كنبغيه هادا مكيعنيش نتخلى على كرامتي على قبل الحب ..كرامتي فوق كل شيئ  خرجت وخليت مورايا احلامي وحياتي كاملة ..حاولت نبررلو الموقف ديلو ماقدرت مالقيت حتى سبب مقنع يدير اللي دارو ..رجعت لدارنا بلا روح كرهت راسي كرهت محمد هدى وكاع الناس لفحياتي ملييييييت الحزن..واش انا ياسيدي ربي يلاه كنطلع من مشكل كنطيح فماصعب منو ..انشنو درت بقيييت مدة وانا غير البكاء ماكنكلم حد حتى الماكلة ماكناكلش ولا كيجيني الارق دفنت راسي فالخدمة ننسى شوية اللي طرا لكن كلشي كيدكرني بمحمد مابقييت كنشوف مالين الدار حيت غير كندخل كنصلي وندير راسي ناعسة..محمد من داك النهار مابقاش كيخرج من الدار حاولات معاه امو يمشي لخدمتو مابغاش كتجي طل عليا وتطلبني نمشي نهضر معاه,مي ماعنديش الشجاعة الكافية ..كنحاول نبعد على الماضي ماما حالتها تازمات طلع لها السكر مسكينة ماصبرات على اللي طرالي وخا كنحاول نبين راسي قوية ونسيت ....مي فالداخل ديالي كنتقطع..كنطلب ربي غير يفرحني بشي حاجة ملييت حياتي فكرت نخوي المدينة مي الخوف ديالي ماخلانيش....وامل الرجوع لداري حتى هو....
واحد النهار كان الصهد مشييت للخدمة كان عندنا اجتماع مع المدير ماقدرتش نستحمل الجو وفقدت الوعي ..عيطو للاسعاف فقت قبل ماتوصل بغاو يدوني للطبيب مابغيتش نخلهم قلت راه غير الظغط اللي طاح داوني بزز ملي جا الطبيب قالي اش هادشي معاك امدام ... خاصكي تهتمي بالصحة والماكلة ديالك انا غنوصف لك شي فيثامينات تفيدك نتي والجنين..كفاش؟اناجنين؟قالي واش مافراسك راكي حاملة دبا ف3اشهر مبرووك امدام..تصدمت ماعرفت راسي نفرح للحمل اللي تسنيتو من نهار تزوجت ولا نبكي حيث باباه مامعاناش بقيييت نبكي ونحمد الله ونشكرو حيث ماانسانيش وسفط ليا هاد الولد فالوقت اللي تمنيت فيه الموت وفقدت الامل هادا نور حياتي وهدية ديال الصبر اللي صبرتو فرحو ليا دارنا وماما ولات لاباس ملي سمعات راني حاملة ووصيتهم مايعاودو والو لمحمد حيت هوا اللي خلاني ماشي انا وبداو كيجيبو ليا ادلة شرعية وحجج بانه حرام نكتم ما برحمي ..لكن مابغيتش وليييت انانية وهادشي هما اللي علموه ليا طلبت خويا يتكلف ليا بموضوع طلاقي...وليت سعيدة وتبدل علي كلشي وانا كنشوف كرشي كتكبر قدام عيني وكتكبر بالزايد ومابقيتش كنقدر نخدم والدار حبسوني على الخدمة جلست فالدار تال واحد المرة خرجت نتقدى شي حاجة تلاقيت بخالتي خفتها تعرفني حاملة بديت كنغطي كرشي قالت ليا راه محمد طلق هدى وانا نقول ليها  وانا امتى ناوي يعطيني براتي قالتلي لواه ابنتي نتي غترجعي لدارك ..راكوم دابا غير عاطين الوقت لبعضياتكم حتى ترتاحو وترجعو..لا اخالتي حنا ماغنرجعوش..بقينا بالكلام حتى طاح ليا الشاال الي كنت مغطية بيه...بقااات كتشووف فيا كنقوول ياربي ماتعرف المخبي مي تبارك الله عليها دغيا عرفات اش كاين بدانت تعنق وتبوس وكطلب فيا نرجع معاها وانامابغاش بقييت كنحلفها ماتقول والو لولدها ولابغات تسكت..رجعت للدار بالجرى لقيتها خاوية كلشي خارج وطلعت لبيتي هزييت حوايجي ووراقي وكتبت لهم رسالة شرحت فيها شنو كاين وانا نخرج

يتبع...

شاركي على غوغل بلاس