زوجتي المراهقة







الجزء الأول

الواليد الله يهديك انا ماغانتزوجش كلت ليك غاتزوج بيها هيا غاتزوج بيها مايمكنش ليا نخوي بصاحبي وصاني عليها هادي 5 سنين مكنتش عارفك غاتبقى بلا زواج تاتكبر هيا الحمد لله عسى ان تكرهو شيئا وهو خير لكم  فيها خير الا مت قبل غنتهنا عليها غتبقى دنب فرقبتي غاتزوج بيها يعني غاتزوج بيها بيتي رضايا تزوج بيها بيتي سخط دير لي بيتي ابابا الله اهديك راها صغيرة بزاف و راك عارفني ماباغيش نتزوج الواليد عافاك عفيني عندي واحد صاحبي باغي يتزوج باقي صغير هوا نزوجوها ليه؟ 
ياسيين هادي اخر هضرا عندي غاتزوج بالبنت الى مابغيتيش مانا باك مانتا ولدي 
اوا نمشو نخطبوها غدا .الله الواليد غدا مالك زربان .
اولدي تاحد ماضامن عمرو وديك البنت امانة فرقبتي جالوقت لي نزوجها ليك تاالا مت نموت مرتاح ماتكولش هاهكا الواليد الله اطول لينا فعمرك اميين اولدي يالله نكولو لخبار لماماك نفرحوها تبع ياسين باباه وهوا ساخط عل الوضعية ماحاملش ديك العروسة   ليغايتزوج بيها بز منو و هوا ليماحاملش كنس المرا من نهار لي خطيبتو فسخات الخطوبة بيه و بعد سيمانة دارت عرس و تزوجات خليجي 
عندو العيالات كولهوم بحال بحال تابعين غي الفلوس وملي ياسين دار لاباس ولا من رجال الاعمال المهمين فالمغرب من بعد ما كان مهندس بسيط النفس لي فيه مارضاش بداكشي لي دارت خطيبتو لي تبعات سعودي على قبل الفلوس ف 5 سنين دار ياسين تروة شريكات كبار كان تايخدم الليل و نهار خدمتو و والديه هما حياتو متدين وتايخاف الله تايصلي ديما فالجامع و رضات واليديه عندو من  الاولويااات ولكن الحاج و الحاجة زادو فيه ملي بغاو يزوجوه مراهقة
فدار اخرى فحي راقي كالسا سلمى كاتبكي فبيتها مالك تاني ابنتي علاش كاتبكي والو ماما توحشت بابا ياك ماخسر ليك هشام خاطرك ابنتي لا اماما عمي ماكاليا والو غي توحشت بابا عافا بنتي الا خسر ليك خاطرك اولا كاليك كلما تجرحك غي كوليها ليا راكي فدار باباك ماتنزليش راسك راه واخا هشام راجلي نتي بنتي و عمري نفرط فيك و لي خسر ليك خاطرك مانرحموش لا اماما عمي هشام ضريف معايا ماتخافيش عليا 
غي كولي ليا شنو كاين اناعارفاه مايساهلش غي كولي ليا اش دار ليك ولا اماما الله اهديك مادار ليا والو 
يالله ابنتي نخليك انمشي لخدمة ديها فقرايتك بغيتك تولي لولا فمدراستك شدي ليا الباك ب 17 واخا ماما تهناي خرجات مامات سلمى دخل عندها هشام مزيان هاكا نبغيك كاتفكري فماماك كتر من راسك خاصكي تفيقي راه ماماك مايمكنش تعيش بلا بيا الا كلتي ليها شي حاجة غانتخاصمو و انا غانخليها و خوك الصغير غايبقا بلا اب و يقدر ندي ليها الحضانة ديالو راكي عارفاني قاد بيها داكشي علاش خاصكي تلقاي ليك حل باش تخرجي من هاد الدار في اقرب وقت اصلا ماكاين تا سباب باش تبقاي هنا ماماك دايرا حياة جديدة باباك مات و انا راجل ماماك ماني عمك مانا باباك خاصكي تلقاي حل طلبي ماماك تخليك تمشي تسكني بوحدك فالبارطما لي خلا ليك باباك و صرفي على راسك راه كونطك عمرو ليك باباك باش تعيشي 40 عام ماماك المكلخة مابغات تقيس دوك الفلوس و تاتخسر عليك نص المانضا ديالها عيبت منك و من مصاريفك شوفي بقات ليك سيمانة الا مادرتيش شي حل حياتك نتي و ماماك غاتدمر تافقنا اديك البرهوشة؟!

صافي عمي تافقنا غير ماتخسرش خاطر لماما و خليها تعيش معا ريان انا غاندير شي حل لراسي دخلات ماماها كالت ليها بنتي عندي ليك شي خبار جاوك شي خطاب وانا رديتهوم كانو بغاو يجيو لدار غدا عيطو ليا ولكين انا رفضت حيت هوا كبير علييك بزاااف و نتي باقا صغيورة على الزواج ياك احبيبة باستها فجبهتها و عنقاتها و سلمى فرحانا و قلبها كايتقطع من الداخل فرحانا حيت عندها ام مايمكنش تخطاها وكاتقطع حيت هشام بغا يحرمهم من بعضياتهم كملات ماماها عرفتي شكون خطبك 
ياسين ههه تخيلي ياسين ولد الحاج الراوي صاحب باباك ماكانعرفوش اماما كانعرف غي عمي احمد باباه حسن شيباني كاعما حشم عمرو 35عام و بغى يتزوج ليا ب بنيتي لي فعمرها 17 عام نور عينيا انا نزوجها و انا باقا مشبعت منها باستها تاني و عنكاتها و سلمى تاتبكيي بحرقة ماعرفات ماتكول كالت ليها ماما باغا نهضر معاك انا بغيت نمشي نعيش فبارطما ديالي انا باغا نعيش حياتي و نستاقل بداتي جاتها واحد التصرفيقة خفيفة وحنينة من ماماها ماعمرك تكولي ديك الهضرة انا عمري نخليك تبعدي عليا  ماتحلميش نخليك عنقاتها سلمى وهيا كاتبكي وكالت ليها سمحي ليا ابنتي ضربتك ولكين مايمكنش ليا نسمع هضرا بحال هادي تخرج من فمك و نسكت هادشي كايعني انك مامتعلقاش بيا كيفما انا متعلقا بيك عافا بنتي ما تعاوديش هاد الهضرة واخا؟!

هاد الهضرة سمعها هشام كاملا و قرر اتحرك ضغيا ويضرب الحديد ماحدو سخون دخل لبيت سلمى كاليها درتو مشهد رومانسي ولكين انا غانخليكوم كملو على رومانسيتكم انا غانخلي ماماك و نطلقها ديك ساعا دنبها ودنب ريان على رقبتك نتي مشا خرج خلاها كاتبكي ومشا عند مرتو كاليها علاش ماتزوجيش سارة انا كانعرف سيد الله اعمرها دار وزيدون هيا مابقاتش صغيرة سن زواج وصلاتو و راها بعقلها 
كالت ليه عمري نسمعك تكول مازال هاد الهضرة نتا راجلي اه ولكن ماعندكش الحق تدخل فحياة سلمى ماشي بنتك والى مابغيتيهاش درب الباب هادي راها دارها دار باها عارفاك علاش كاضور ولاكين ماغانخليكش دخل فحياة بنتي ابدا افيها نضرة ضعف و ضلم و قهر كاليها هادشي كامل مخبياه فقلبك دابا انا ماعندي تا دور فهاد الدار انا دابا غي راجلك كصورة ماعنديش الحق نهضر ولا نعبر على رأي وخا فشي حاجة لي كتهم سلمى لي هيا بحال بنتي الله اسمح ليك وبداو الدموع كايطيحو ليه شافت فيه ندمات اشد الندم حيت قصحات معاه الهضرة وجرحاتو وهوا هادشي كلو غي تمتيل ستاغل الفرصة وخرج من البيت تبعاتو تاتكوليه سمح ليا راه ماقصدتش خلاها تابعاه دخل على سلمى هاز رايان ف يديه باسها فجبهتها وكاليها بسلاما اسلمى انا ماعندي ماندير فهاد الدار و مامات سلمى كاتزاوكو يسمح ليها ريان كايبكي وشاد فباباه هو حط ريان وزاد خرج فحالو سلمى فهمات بلي هاداك خلا ماماها حيت ماخرجاتش هيا من الدار ومامات سلمى تيقات هشام اسحابليها تقلق حيت جرحاتو 
دازت اليلة كحلا على سلمى مسكينة لي حاسا بالدنب جيهة ريان وماماها و ماماها بقات كاتعيط ل هشام ميك عليها لغد ليه مشات سلمى عند ماماها عاودات ليها نفس الموضوع هاد الخطرة بالطليب و الرغيب والبكا بينات راسها باغا تعيش بوحدها كالت هضرا كبيرة عليها ولكين بزز منها غير باش هشام ارجع كالت ليها ماماها جوج كلمات:
ماتحلمييييييش نخليك تخرجي من دار باك الا الى دار راجلك ماعمري نخليك تعيشي بوحدك ماشي معنات انني نوفرليك مابغيتي انني نخليك ديري مابغيتي دابا سيري لبيتك وماتهضريش فهاد الموضوع ولا غايكون حسابي معاك عسيييير

يتبع........
شاركي على غوغل بلاس