متشردين في مواجهة القدر (الجزء الثالث)







حرك كيفاش حرك ايمتا قرر هاد شي او فوقاش او علاش مقال ليا حتا حاجه علاش ا زعيم علاش علاش خليتيني بوحدي من بعد ما رماوني واليديا علاش حتا نتا تخليتي عليا او محسيتش حتا ضربت يدي مع لحيط او بدا كيسيل دم او دموع كيف شلال .. نسرين تخلعات منين شافت ديك لحاله او ناضت كتجري لعندي
نسرين : سيموو مالك تدير فراسك راه لبكا معندو باش يفيدك معليك الا دعي ليه ربي يحفظو او يوصلو على خير
سيمو : ولكن علاش خلاني موراه كون غا داني معاه او حتا ايلا متنا نموتو بجوج ميخلينيش موراه 
نسرين : شوف اسيمو زعيم ايرجع ما غاديش يمووت واش كتفهم زعيم غادي يرجع لينا او حنا انتسناوه او معمرنا انساوه او ديما ايبقا هنا ♥ تفهمنا :)
سيمو : ااه ااه وتبكي 
نسرين : او دابا اجي نشوف هاد ليد لي تعديتي عليها و نعالجوها 
من بعد ما عالجت ليا طبيبه يدي مشيت تندور فدروبه لي كنا انا و زعيم تنجمعو فيها او فين كنا نبيعو ديطاي او فالاخير رجعت لبلاصتنا لي كنا نعسو فيها بقيت كندور فعيني حتا كتبان ليا واحد لميكه كحله كبيره ..
سيمو : اوو هادي منين جات كاع ما كانت هنا .. مشيت تنحل وانا نلقى فيها السلعه ديال ديطاي او ورقه فيها { هادي ليك اعشيري او سمح ليا حيت ما قلت ليك والو تهلا فراس او فنيسرين حتا نجي تافقنا يلاه تلاح } .. بقيت تنضحك لا شعوريا والله يا **** منين ترجع حتا نشبع فبوك غا تصرفيق ههههههه الله يحفظك ليا او ترجع سالم غانم... جمعت داك ديطاي ودرت صندوق كي العادة وخا الحزن على زعيم ولكن عارفو وعدني والوعد ديالو مكايخالفوش اكيد غايرجع بقيت كانبيع فالديطاي حتى ضلام ليل ورجعت لقصر نعاس ههع حدا طارو .

بقيت ديما كنبيع كنبيع ونغسل طوموبيلا مرة مرا كنزور نيسرسن وكانت ممقصرش من جيهتي كانت كاضور معايا مزيان واحد نهار بعد مداز 3 سنين ديال عداب ولا خبار لا والو على سيمو ولكن باقي شاد فاﻷمل لي هو الوعد ديالو كيما قلت واحد نهار انا حاط كنبيع الديطاي حتى لقيت طوموبيل وقفات ونزلاات منها نيسرين وتا وقفات قدامي وهزات كارو وهبطات عندي 
نيسرين. مال كاتشوف شعل لي كارو
سيمو. لا لا ولكن نتي اش كديري هنا
كانت اول مرا تجي لداك بلاصة 
نيسرين: سيمو تهز هدي راه مشي حرفة براكة من هذا تكرفيص اجي معايا 
سيمو. .... ولكن...
نيسرين. ما كاين لا ولكن لا والو تكعد
نوضت وطلعت لطوموبيل ﻷول مرة كنحس براسي راكب بكرامة مشي غي سالت كي ديما فطوبيسات وطاكسيات ههههه وكنخرج راسي من سرجم ونغوت هههه
حتى وصلنا لواحد قهوة 
نيسرين . يلاه نزل 
سيمو. ويلي ويلي كيلي ميني داير هنا حالة 
نيسرين .ههههه ونزل خلاص
نزلنا وكلينا وانا غي كنضور فعيني تيتيز داير حالا 
وفينك ابا زعيم تشوف هذشي 
نيسرين .سيمو شوف نقوليك علاش جبتك هنا زعيم وصاني عليك ولازم نوفي بوعدي تا انا..
سيمو. متفكرينيش بهذاك مشا وخلاني ولكن منين يرجع واللاه يا والديه ...ههه
نيسرين.غايرجع اكيد ..سيمو خسك تقلب اعشيري هه لحرفة مزدقاش
سيمو . وايلي وليتي تهذري لغتنا ههه
نيسرين. ههههه اييه شوف غانتعاونو انا وياك وانا غنمولك ونتى خاتخدم 
سيمو. تمولني ؟ نخدم ؟ كيفاش.
نيسرين. عطيني ودنك وسمعني غانديرو.مشروع صغير بيه غتقضي علا هذا حالة لراك فيها وتولي مكسي ضريف بحالك بحالو هذو لي حداك
سيمو .لكن انا راه من حليت عيني مكنعرف تا صنعة.مرة وحدة مشيت خدمت نجارة زدقت كنت غانحيد ليد لمعلم ههه
نيسرين. هههه هذي ساهلة يا نتى بياع وشراب وحسايبي تعرف ترجع صرف
سيمو. هذي اه كاين
هذي اه كاينة 
نيسرين . اوا شوف هذي غاتكون بيعة وشرية
سيمو : بحالاش زعمه !! نتاجرو فلمخدرات 
نسرين : ههههههه ضحكتيني يا لعفريت .. شوف فيا اسيمو نتا خاصك تنسى عليك ديك لحياة عتابر راسك عاد تزاديتي من جديد نسى عليك زنقه او لكارو او لحشيش واخا
سيمو : او شنو انبيعوو ا نونو 
نسرين : اسيدي انعاوونك دير مطعم متنقل دير فيه لبوكاديوس 
سيمو : مطعم متنقل .. بوكاديوس جاني جوع .. ولكن شكون ايعاوني انا راه منعرف لا نطيب لا حتا حاجه لبركاصه كان فيها كلشي موجود 
نسرين : كون هاني قضية لعوين ضربها على حسابي انجيب ليك لي يعاونك غي نتا خاصك تكون راجل او نص
سيمو: هيهيهي انولي جوج رجال او جوج نصوصه غا كوني هانيه انا انوريك سيمو علاش قاد .. ايوا دابا خليني نتبرعوو راه هاد لبيعه او شريه جابت ليا جووع
نسرين : ههههههه نتا عالم واخا اعشيري جاتك انا اندوموندي على ما ناكلوو .. او منبعد نقلبو على شي كرروصه هي لولا 
سيمو: لكروصه ضربيها على حسابي انا انوريك فين انلقاوها
نسرين : مزيان اايوا كول دابا ... بقيت حاضيا سيمو او هوا تياكل طفل بريء قسات عليه لحياة او ضيعاتو او هز لمسؤوليه او هو مزال محتاج لحنان او عطف واليديه
من بعد ما كملنا داني سيمو لواحد لحي فيه غا مالين لكرارص
سيمو :ايو ادكتوره ختاري ليا شي كروصه على ذوقك
نسرين : امم اش بان ليك فديك راها كبيره 
سيمو : ايه مزيانه يالاه نشوفو ثمن
مشاوو تساومو مع مول لكروصه او مع سيمو ولد لحرفه بقا تيتشطر حتا داها بنص تمن او دارو معاه بلي من هنا سيمانة 
او من بعد مشاو تقداو اللاوازم لي ايحتاجوو مقالي او طاسات او عطريه مهم كلشي 
نسرين : سيمو انا فايت لي هضرت ليك مع لمرا لي اتعاونك زيد نديك عندها حيت هي نيت وحدانيه او خاص لي ونسها او منها نيت متبقاش فزنقة
سيمو : حدرت راسي او جاني واحد الاحساس فشكل او تجمعو دموع فعينيا
نسرين : سيمو مالك واش تقلقتي من كلامي سمح لي
سيمو : لا ادكتوره بلعكس انا فرحان حيت اتغير حياتي او ما غاديش نبقا فزنقه او ما باقيش ينقصو مني ناس .. اخيرا انولي حتا انا عايش فدار 
نسرين : محسيت براسي حتا عنقتو او بقا يبكي فحضني فعلا مزال طفل فصورة راجل .. واصافي اسيمو متبكيش ان شاء الله كلشي هادشي ايتغير او اتولي حسن من هادوك لي كانو تينقصو منك او نتا لي اتولي ضحك عليهم 
سيمو ااه هادشي كامل بفضلك معمري نسا خيرك
نسرين : الله يهديك انا ما درت والو او مهما ندير عمري مغنقدر نعوضك على لمعاناة لي عانيتي نتا او زعيم .. باركه عليا من لبكى ونتا وليتي كي دوك لكيليميني ترجل معايا اصاحبي
سيمو : هههههه وليتي مشرمله ادكتوره 
نسرين : هههههههه .. مشينا لعند سيده لي اتعاوني سميتها مي حاده مرا ما كبيره ما صغيرة بين او بين رحبات بينا او دخلاتنا او تهلات فينا مسكينه
نسرين : مي حاده ها لوليد لي قلت ليك او هوا لي اتخدمي معاه او تعاونيه
مي حاده : مرحبا بيك اوليدي ..
نسرين : يالاه انا راه تعطلت على لخدمه .. راك عارف اش غادير دابا اسيمو ياك
سيمو : ااه كلشي واضح ا نونو او غادي نحمر ليك وجهك ..
نسرين : عارفك ارجل صغير قدها او قدود يالاه بسلامه دابا 
مشات نسرين او بقيت معا مي حادة لي عطاتني حوايج جداد او وراتني دوش لي منعرف شحال ما قاص لما لحمي كندوش من شتا لشتا .. من بعد ما دوشت حسيت بلي حيدت عليا واحد لحمل و خفافيت ولات فيا ريحه زوينه ما بقيتش خانز وجهي عاد بانو ملاميحو مزيان .. مهم وجدات لينا مي حادة لعشا كلينا انا وياها او جمعنا او منبعد وراتني فين انعس حطيت راسي على لمخده 
الله على احساس يكون عندك ماوى او خمسه دلحيوط ساترينك او باب مسدود عليك .. كتحس بالامان او تقدر تنعس مرتاح بدون خوف من شي واحد يجي يتعدى عليك ولا يقتلك كاع.
بقيت مع مي حادة وكل يوم.كنجيب لدار شي حاجة ل غانحتاجو حتو وصل الاتنين دزت عند نيسرين ومشينا نشوفو الكروصة بعد تعديلات لدخلت عليها ولا نقية وزوينة خدينة الكروصة وكانت نيسرين لخلصات طبعا ودينها لدار مي حادة منين شافت الكروصة عجباتها بزاف وتفائلت بالخير 
نيسرين .سيمو فين غانحطو كروصة خص موقع مزيان
سيمو . كوني هانيا انا عارف بوديت هاذشي وحافض شوارع وملقاش ما حسن.من بلاصة لكنت نبيع فيها ضيطاي بلاصة كايدوز منها الموضفين والخدامة وكلشي وفيها نشم.حت ريحت صاحبي الزعيم ﻷسف تمنيت اكون معانا ماعرفت اش خبارو
نيسرين: سيمو زعيم راجل قلتليك ﻷزم اجي نهار لي غايرجع فيه
سيمو. ان شاء الله مي حادة غانبداو من غدا دكتورة متنسايش تجي تفتاتحي عندنا ههه
نيسرين: غدا نكون عندكوم وهكا بغيتكوم تكونو متفالين 
نخليكوم انا راه كايعيطولي نتشاوفو من بعد
مشات نيسرين لخدمتها وبقيت كنزوق فالكروصة وندير اخر التعديلات
طاح ليل من بعد متعشينا مشيت لبلاصتي نعس فديك ليلا تفكرت زعيم وشحال من مغامرة تاداني نعاس وفقت علا عياط مي حادة فقت وفطرنا واخيرا غنخرجو بالكروصة مشينا وقفت الكروسة فالبلاصة لكنت نبيع فيها الضيطاي سيكتور ديالي خليت مي حادة مع كروصة ومشيت عند كزارة تقديت اش طلبت مني لحم والكبدة ودجاج وكلشي كان من عند نيسرين.وشي براكة كنت مخبيها من ضيطاي
مهم كان اول يوم كان طلقنا الفاخر وطلقنا ريحة فالسيكتور شوية وهما يجيو واحد جوج كوبل -سلام
سيمو. وعليكم سلام اهلا بزوجي المستقبل هه
-هههه احفضك من فمك لربي شي مشروع جديد هدا 
سيمو- ايه اسيدي ونتوما لي غاتفتاتحوه اش حب لخاطر 
طلبو منا سوسيط وجدنا مسائيل وقدمت لكوبل الكوميرات وبداو تايكلو فحقيقة كنت خايفان وغي كنشوف بجنب لكن حمد الله
الولد- واو هدشي بنين الل اعطيكوم صحة 
هنا تفاجات وبحال لي شي حاجة تزادت  فيا. ولكن فالصراحة حتى طياب مي حادة بنين الحمد لله وليت نكسب فلوس حلال او بعرق كتافي عفا الله عن ما سلف 
دابا انا فعمري 17لعام او زعيم 20لعام وزعيم غيكون  كبر و زيان هههه توحشتو صراحه ...

يتبببببببببببببببع 

شاركي على غوغل بلاس