قصة أنا وضرتي الجزء الأول









الجزء الاول 

أنا بنت في مقتبل العمر من اسرة امازيغية الاصول الوليد شلح اصلو من سوس الوالدة عروبية كنت عايشة حياة تقريبا عادية،كبحال أغلبية البنات فالسن ديالي, مع بعض الاكراهات طبعا ولكن الحمد لله مستورة عايشة فوسط عائلة محافظة ،عندي 4 الخوت :2دراري كبر مني و2 بنات وحدا صغر مني بعام والاخرى كبيرة.انا وخوتي مامفاهمينش وديما مناقشين على والو،كنضاربو بلا مانعرفو علاش اصلا مضاربين,ماعندهومش معايا حيث انا مختالفة عليهم كفما كتقول الواليدة .......انا كنشبه لبابا ظريفة ونية عزاز عليا الناس وكنتيق فالبشر دغيا هادشي اللي خلاني ديما فالهامش ماشي بحالهوم مسمومين وماعندهم مع البشاار.مسميين عليا المستوهة واخا هوكاك ماكنسمحوش فبعضياتنا ههه,هادشي فالدار اما فالقراية حاجة خرا مكنتش كنتسوق ليها بزاااف ماعنديش معاها,ولكن ملي كانتابه كنفهم حيت ماشي مكلخة ,كندخل انا وصاحبتي فاتي كنعطويها غير للجماعة والتكركير ,ضاربين الدنيا بركلة مكنتش عارفة بحق القراية حتال الباك فالدورة الثانية عاد جاتني النفس درت عقلي وقلت علاش مانقرا ونجتاهد بحالي بحال عباد الله ,الوليدة ديالي صعيبة ماتخلنيش نعاود العام غادي تخرجني مافيها شك ,الكسلاء ماعندهم مايديرو عندها 
جمعت راسي وديتها فقرايتي وليت كنحفظ وكنبرباري للباك فالدار كلشي كيتعجب وبدل مايرفعو ليا المعنويات كيهبطوهم ليا,ونفس الجملة كلهم كايعودوها (عمرك ماغادي تطفريها فحياتك لا المهنية لا الشخصية يا المستوهة)من غير الواليد ديالي مسكين ديما داعمني وكيقول لي (انما الاعمال بالنيات وان لكل امرئ مانوى)ديما كيشجعني دوزت الوطني وجاوبت على اللي عرفت ووحتى اللي مااعرفت كتبت فيه داكشي اللي حفظت وماحطوه هههه حرام نحفظ حتى نعيا ومانلقا ش اللي حفظتو ,فالفلسفة جاوبت على السؤال الفلسفي عمرت الورقة بكاع المجزوؤات االلي حفظت ههه على فكرة انا دايرة علوم فزيائية وخا مابيني وبين العلوم غير الخير والاحسان قلت نجرب حظي ساللا الوطني مشيت للدار وكلشي كيسسول شنو دارت الكسولة....ملي عاودت لهم الفعلة بقاو كيظحكو وقالولي غير نساي الباك ماتحلميش تشدييه....دوزت دوك الايام فالصلاة و الدعاء كنطلب ربي مايخيبنيش ننجح....
وصل النهار المنتظر وتعلقت النتيجة وانا من خوفي ماقدرت نمشي نشوف ,جراتني امٌي بزز مني فالطريق قالتلي هانية الا مانجحتي نيت انا خاصني العوين فالكوزينة,وصلت الليسي رجلي فشلو علياماقديت نززيد بهوم ,الناس كثار شي فرحان شي زعفان شي باكي ولوخرين سخفانين قربت من الطابلو بديت كنقلب على سميتي ,وسبقت المستدركون مالقيت سميتي دزت للناجحين والو مافيه والراسبون كدلك والا ديك االسمية بغات تبان 

ناري شحال تفقصت ماعرفت راسي ناجحة ولا العكس..شوية كنسمع مروان واحد كيقرا معايا كيعيط لي مروان:بغيت نسولك كيف درتي لها؟؟ سكينة:كفاش؟شنو؟ مروان:مبروك الالة راكي نجحتي مي اللي مافهمت كدررتي لها...قلت يمكن غير شاد فيا موالف معاييا التقشاب قلتلو راه مالقيت سميتي هوا يجرني داني ورااني لقيت راسي ناجحة ماتيقتش واخا غير بمقبول .المهم اللهم العمش ولا العمى ,ماما ماتييقات الطريق كاملة وهيا كتكدب فييا وخا شافت السمية بعينها مابغاتش تيقن حيت كنا مخاطرين اانا ويياها على 500درهم هههه انا كاع ماعندي منيين نجبدها غير قبلت التحدي حيت مارضيت قدام خوتي تخااطرت بلهلا يطريه لي دوزت الصيف من احسن مايكون ودرت لافاك درت فيزياء جمعت راسي وداك االظحك الزايد نقصتو وليت نحفظ ودفعت انا ووصحابااتي لبباك حر حتى هوا شديتو ولكن لافك خرجلي الرااط دوزتو وانا نقلب العام التاني درت اقتصاد ومابقتش كندخل قلبتها ليسطا حيت مليت خوتي تزوجو وبقينا غير انا وختي سارة وفنما نتلقاو مع العائلة كيبداو الاسئلة الشهيرة مازال ماكيبن شي عريس ههه كنهرب بالقراية ,ساليت الفورماسيون ديالي هي تخطب ختي الشي اللي خلاني الوحيدة اللي باقا بلا زواج ,الفكرة ديال الزواج ماكانتش داخلة لراسي كنت باغا غير نقرا ونخدم لا اكثر ولا اقل. شجعوني البنات نتسجل فواحد الموقع ديال الزواج داكشي اللي كان ولكن مادرتش التصويرة.....حتحد ماامسوق ليا تعرفت عللى شي وحدين كلهم باغين غيير يتلاقاو ...دازت سيمانة ماكاين حتا جديد كنحل السيت وندخل الفايس نبقا نجلي فيه وقتي...حتا من الخدمة كيقولو سيري حتى نعيطولك وكايغبرو .واحد النهار كنت مكونكطية حتى جاني مساج من واحد ,قبل مانجاوبو دخلت للصفحة ديالو ناري شحال بوكوس بقيت كنتسارا فالصفحة ديلو وتصاورو وحدة تنسيك فالاخرى واااااع قلبي الصغير لا يتحمل ♥ جاوبتو وتعرفنا على بعضياتنا:سميتو أنس 29سنة مهندس ديكور ساكن فكازا ,وعرفتو على راسي وسولني شنو كندير وقتلو بلي عاد خديت الدبلوم ديالي ودابا جالسة فالدار بقا كيضحاك... سكينة:اانا مقلتش شي حاجة كتضحك انس:سمحي ليا ولكن كفاش جالسة فالدار لا شغل لامشغلة.....واش هاد الزمان ديال الجلوس سكينة:راه ماشي جالسة كااع راه دفعت السيفيات ديالي وكنتسنا الرد انس:ههه الله يوفقك مي خاصك تبدلي مجهود والا لقيتي شي سطاج ماتفرطيش سكينة:اوكي ميرسي بسلامة....سديت عليه حيت مارضيتش ماعرفت شنو نقولو بقييينا كنهضرو مره مره عجبني ولكن حاااسس براسو بزاااف,وكيبقا يضحك بلا سبب  وطلب مني يشوف الصورة ديالي وانا كناجل حيت الا شافني عمرو لابقا دوا معايا انا مازويناش بزاف مقارنة معاه انا مابياش عندي حقي فالزين كف كيقولو وعندي معجبين ,كيجيوني طلبات المصاحبة وانا كنرفض حيت بالنسبة ليا التصاحيب والحب ديال التبرهيش ليس الا وسيلة كيستعملوها الدراري لقضاء الشهوات والغريزة ديالهم بشكل مجاني ,وفنظري هو َ خيانة لشريك الحياة اللي غنكمل معاه حياتي...ماعليناش بقيت كناجل حتى حصلت بقا عليا راه مانقدر نهضرمع وحدة عمري شفتها الخ.... وقلتلو صافي غدا نلوحها لك فالاول قلتها غير باش نتهرب ولكن بعد تفكير داكشي لي درت لغد ليه لبست احسن لبسه عندي ودخلت عند مرت خويا طلبتها تعطيني شويه من الفوندوتان ديالها وعطتني وحده كاع قساحت بالبرد بحرا وماخرج ليا منها شوية درتها وصاوبت فولاري وبديت كنتصور ودوك تصاور وحدا كفس من الاخرى بحرا مالقيت وحيدة لقيتو حال هضرنا شويية وقالي امدرا ولحتها ليه بقييت كنتسنا يجاوبني...

 ربع ساعه وانا كنتسنا فلاخر جاوب بجوج كلمات انس:واش كتفلاي عليا...انا ماعرفت شنو قصد..ولا باش تبليت سولتو:كفاش كنتفلا؟؟؟؟.....انس: سفطي ليا صورتك باراكا من التبرهيش راكي كبرتي على التفلية..وزايدون شكون هاد خيتي اللي مصورا ليا هناواش نتي صافاا..انا: لا صافا بااا,,سديت عليه ومشيت لبلاصتي بقيييت كنبكي على سعدي العوج. جرحني بكلامو وبقا فيا الحاال وقلت خاصني نديها فراسي وباركا عليا من العجز لابد نبان زوينة ,مشيت عند ماما عاودت لها كلشي .تسنيتها تخفف عليا اولا عالاقل تقولي هاداك كيهموه غير المظاهر صدق العكس ,قالتي صدق ليك ابنيتى بالسيف نتي حتى الصابونة هيا اللخرة ماكتغسلي بيها كمارتك ,,,وديها فراسك وديها فلبسك وباراكا من العجز ولا راه غاتبقاي ديما حدايا لاخدمة لازواج وزايداها بالغلض هاد اليامات فاش جلستي فالدار.... بقيت كنبكي وقالتلي سكتي بحالك خصو العصا

يتبع......
شاركي على غوغل بلاس